Рио 2016 олимпийн наадмын жүдо бөхийн эмэгтэйчүүдийн 48 кг-д Казахстан улсын нэрийн өмнөөс зодоглосон ОУХМ Галбадрахын Отгонцэцэг олимпийн наадмаас хүрэл медаль хүртсэн билээ.
Тэгвэл олимпийн наадамд Казахстан улсын нэрийг өндөрт өргөсөн Г.Отгонцэцэгт тус улс бай шагнал харамгүй өгч буй. Засгийн газраас нь 75 мянган ам.долларын мөнгөн шагнал, BMW спорт загварын авто машин бэлэглээд байсан. Тэгвэл саяхан Казахстаны Чимкент хотын удирдлагууд жүдоч бүсгүйд хүндэтгэл үзүүлэн “Land cruiser Prado” машин болон нэг өрөө байр гардуулан өгчээ.
