“Эко ноос” компани Япон руу хонины ноос экспортлохоор болжээ. Тус компани эхний удаад 16 тонн ноос гаргах бол цаашид сар бүр ийм хэмжээний түүхий эдийг экспортлох юм байна. Нэг ам метр ноосон материалын ханш дотоодод 15 мянган төгрөг байдаг бол Японы зах зээлд 18 мянга гаруй төгрөгөөр үнэлэгддэг аж. Монгол-Японы эдийн засгийн түншлэлийн хүрээнд “Эко ноос” компанийн ханшны ноосон дулаалгын материалыг гаалийн татвараас бүрэн чөлөөлөхөөр болжээ.
