Боловсрол телевизийн Оддын академи шоунаас төрөн гарсан “The Wasabies” хамтлаг өдгөө хамгийн амжилттай яваа охидын хамтлаг юм. Тэд эхлээд тавуулаа байсан ч Ангелина хамтлагаа орхиж мөн саяхан Д.Энхгэрэл, Э.Аминхүслэн нар амаржиж завгүй ээжүүд болсноор тус хамтлаг шинэ гишүүдээр хүч сэлбэн цаашдын уран бүтээлээ үргэлжлүүлэхээр болсон билээ.

Тэднийг дэмжигчид нь “жирэмсэн болсон даруйд нь хамтлагаас нь хөөчихлөө, продюсер Б.Наранзун маш муухай шийдвэр гаргалаа” хэмээн шүүмжлэлтэй хандаж байсан юм. Гэвч тэдний шалтгаан дан ганц хүүхэд биш байв бололтой. 20 насандаа ээж болсон Аминхүслэн тавхан сартай хүүхдээ дагуулан СУИС-д жүжигчний мэргэжлээр сурч байгаа гэнэ. Дуучны бус жүжигчний амьдралыг сонгосон бүсгүй төд удалгүй кино дэлгэцээр дэмжигчидтэйгээ уулзах нь ээ.