Өөрийн өвөрмөц ертөнцөөрөө ялгарч чаддаг яруу найрагч Х.Тэргэл нөхөр, хоёр хүүхдийн хамт АНУ-д амьдраад багагүй хугацаа өнгөрчээ. “Зүрхээр наадагч” кино гарч байх үед аавынх нь хүүхдүүддээ зориулан бичиж байсан шүлгийг зөвшөөрөлгүй авч уран бүтээлдээ ашигласан хэмээн жүжигчин У.Уранчимэгийг шүүхэд өгч байсныг уншигчид мартаагүй биз ээ. Харин тэрээр энэ удаад дуучин Нара руу дайрч цахим хуудастаа ийн бичжээ.

“Ковид анх гарч байхад намайг Ковид тусаасай гээд тавлан постолж байсан хүн дээ хөөрхий минь. Өрөөлд хүссэнээ өөртөө гэж үнэн үг шүү бурхан минь. Хэн нэгнийг тэр тусмаа сошиалд таалагдаагүй хүнээ өвдөөсэй гээд "харааж, зүхэж " суудаг хүмүүжилгүй болохоор өвдсөн хэн ч бай хурдан илаарших болтугай гэж л хүсдэг билээ л.

Огт өвдөхгүй үүрдийн эрүүл , огт үхэхгүй мөнхийн амьдардаг хүн гэж энэ орчлонд үгүй тул өөрт хүсдэг сайхнаа өрөөлд ч бас хүсдэг бол амьдрал сайхаан.

Өвдсөн зовсон таньдаг таньдаггүй хэн ч бай үтэр түргэн илааршин эрүүл энхийн жаргаланг эдлэх болтугай” гэжээ.