“Miss World-Дэлхийн Мисс-2021” тэмцээнд Монгол Улсаа төлөөлөн оролцох үндэсний ялагчаар А.Бөртэ-Үжин тодорч 70 дахь удаагийн “Miss World 2021” тэмцээнд Монгол улсаа төлөөлөн оролцох эрхийг авсан юм.

А.Бөртэ-Үжин Соёл Урлагийн их сургуулийн Бүжгийн урлагийн сургуулийг Бүжгийн багш, найруулагч мэргэжлээр энэ онд төгссөн бөгөөд Англи, Япон, Герман, Хятад хэлний мэдлэгтэй. Тэрээр 2006 оноос хойш дэлхийн алдартай олон студийн харьяанд уран нугараачаар ажилласаар иржээ. 8 настайгаасаа уран нугаралтаар хичээллэж эхэлсэн түүний олон улсын тайзан дээр Монголынхоо өв уламжлалыг таниулж сурталчлах мөрөөдөл ийнхүү биелэхээр болсонд ихэд сэтгэл хангалуун байгаа гэнэ.