“Ид шидйн орон” хүүхэд хамгааллын төвийг санаачлагч Ч.Ганжавхлан тэргүүтэй хэсэг залуус нийлэн “Magic box” төслийг эхлүүлж талбай дээр явуулын номын сан байршуулаад байгаа юм. Уг төсөл нь хэрэглэгдэхгүй болсон контейнерыг тохижуулж хүүхдүүд ном унших, хичээл хийх тав тухаар хангаж хотын алслагдсан дүүрэг эсвэл сумдуудад байрших юм.

Явуулын номын санг өчигдөр Сүхбаатарын талбайд байршуулсан бөгөөд хүмүүсээс номын хандивыг 5 хоногийн турш хүлээн авах юм байна. Харин Ч.Ганжавхлан өөрийн цахим хуудсанд “Цагдаа нар Magicbox-ыг талбай дээр тавиулсангүй” гэх агуулгатай мэдээллийг иргэдэд хүргэсэн бол асуудлаа хэрхэн шийдсэн талаар дахин мэдээлэл өгөөгүй байна.