Жүжигчин, фотомодел Б.Сансармаа АНУ-ын Лос Анжелес хотод жүжигчний мэргэжлээр суралцаад төгсөж ирсэн даруйдаа “Single Ladies 3” киноны Хадааны дүрд тоглосноор жүжигчний карьераа амжилттай эхлүүлсэн юм. Дүр төрхөө эрс өөрчилсөн түүний инстаграм хаягийг нь олон бүсгүйчүүд дагаж үлгэр дуурайлал авах болж, дан ганц жүжигчний ажил бус хамгийн эрэлттэй моделуудын тоонд ороод байгаа гэнэ.

Б.Сансармаа эх орондо суурьшиж олон уран бүтээлийг өнгөлж яваа бол хамгийн сүүлд комедиан Б.Идэр-Одын “Тал нутгийн зомби” хэмээх кинонд ажиллаж байгаа юм. Хайр дурлалын тал дээр Хатариш Амараатай нэгэн цагт нэр холбогдож явсан бол одоо үерхэж байгаа залуугийнхаа царайг нууцлаад багагүй хугацаа өнгөрч байгаа юм. Тэгвэл комедиан Идэрээ санаандгүй байдлаар хамт авхуулсан зургаа сошиалд байрлуулж түүний олон жил нууцалж байсан хархүүг ил зарлаадхав.