Аз жаргал гэрэлтсэн царай, эгэл даруухан нэгэн таксины жолооч “Хэн нэгэн” гээд иргэний хөрөг нэвтрүүлгээр гарч “Намайг Туяагийн Даваасүрэн гэдэг. Би 35 настай, таксины жолооч хийдэг” гээд л инээмсэглэн яриад сууж тэрээр 5 хүүхдээ орхин хорвоогийн мөнх бусыг үзүүлсэн.
2016 онд болсон эл харамсалтай үйл явдлаас хойш монголчуудын сайхан сэтгэлээр "Сайн аав"-ын 5 хүүхэд, ээжтэйгээр орон байртай болж, мөн аавынх нь унаж байсын машиныг такси компаниас нь олгосон байдаг. Тэгвэл тэдгээр 5 хүүхэд эдүгээ дахин нэг "Сайн аав"-тай учирчээ. Талийгаачийн эхнэр Д.Амаржаргал ханиа алдсанаас 5 жилийн дараа дахин гэр бүл зохиож, сэтгэл зүйч Г.Энхмандах гэх залуутай гэр бүл болсон байна.
