Энэ мэдээ хуучирсан буюу 2021/05/20-нд нийтлэгдсэн мэдээ болно.

Н.ТҮВШИНБАЯРЫГ СУЛЛАЖ, ХИЛЭЭР НЭВТРЭХИЙГ ХОРИГЛОЛОО

QR кодыг уншуулж мэдээг утсаараа унших боломжтой.

Хан-Уул дүүргийн Прокурорын газраас тавдугаар сарын 19-ний өдөр Н.Түвшинбаярт авсан цагдан хорих, таслан сэргийлэх арга хэмжээг өөрчилж, Монгол Улсын хилээр гарахыг хязгаарлах таслан сэргийлэх арга хэмжээ авахуулахаар ирүүлсэн саналыг Хан-Уул дүүргийн Эрүүгийн хэргийн анхан шатны шүүх өнөөдөр (2021.05.20) хянан хэлэлцлээ.

Шүүхээс прокурорын санал, яллагдагчийн болон хохирогчийн өмгөөлөгч нарын гаргасан саналыг давхар харгалзан, мөн хэргийн нөхцөл байдалтай уялдуулан Н.Түвшинбаярт авсан цагдан хорих, таслан сэргийлэх арга хэмжээг өөрчлөн, энэ өдрөөс суллаж, түүнд холбогдох эрүүгийн хэргийг шийдвэрлэж дуустал Монгол Улсын хилээр гарахыг хязгаарлах таслан сэргийлэх арга хэмжээ авч шийдвэрлэлээ.

Н. Түвшинбаярыг “Хүний биед санаатайгаар хүнд гэмтэл учруулсан” гэмт хэрэгт яллагдагчаар татан, цагдан хорьж шалгасан билээ.

эх сурвалж: DNN.MN

Энэ мэдээ хуучирсан буюу 2021/05/20-нд нийтлэгдсэн мэдээ болно.
  1. Чи сайн бод доо.

    Чамайг золбин ардчилал, үхээрийн ардчилсан нам хоёр ийм байдалд оруулсан. Тиймээс асуудлаа шийдчихээд аль эсвэл ялаа эдлэчихээд дараа нь золбин ардчиллыг устгах ажилд ханцуй шамлан орох хэрэгтэй.