УИХ-ын намрын чуулган хаалтаа хийхээс өмнөхөн буюу энэ оны хоёрдугаар сарын 7-нд Зөвлөлдөх санал асуулгын тухай хуулийн төслийг баталсан билээ. Аливаа шийдвэр гаргах түвшинд олон нийтийн санаа бодлыг сонсож тусгах зорилготой энэхүү хууль батлагдснаар ард түмэн төрийн эрх барих үйл ажиллагаанд идэвхтэй, бодитой оролцох боломж бүрдэж байгаа юм.
Тэгвэл анхны зөвлөлдөх санал асуулгыг энэ сарын 29,30-нд Төрийн ордонд зохион байгуулахаар товлоод байна Энэ удаад Үндсэн хуульд нэмэлт өөрчлөлт оруулах асуудлаар анхдугаар санал асуулгыг явуулах юм.
Өчигдөр УИХ дахь намын бүлгүүд хуралдаж энэ асуудлыг хэлэлцсэж шийдвэрлэсэн бөгөөд санал асуулгыг УИХ-ын намрын чуулганаас баталсан Зөвлөлдөх санал асуулгын тухай хуулийн хүрээнд хийх аж. Уг санал асуулгыг зохион байгуулах зардлыг төсөвт суулгаж, нийтдээ 200 сая төгрөг зарцуулахаар болтөлөвлөөд байна.
Энэхүү зөвлөлдөх санал асуулгад 750 хүнийг түүврийн аргаар сонгон шалгаруулах бөгөөд ингэхдээ бүх ард түмнийг төлөөлж чадахүйц нийгмийн бүхий л давхаргынхныг хамруулах зорилго барьж буй юм байна.
