Засаг дарга нарыг Батлан хамгаалах хууль тогтоомжийг хэрэгжүүлж ажиллахад дэмжлэг үзүүлэх, цэргийн хэргийн мэдлэг, дадлага олгох, тэдний хууль эрх зүйн мэдлэгийг дээшлүүлэх зорилгоор Сонгинохайрхан дүүргийн Цэргийн штаб тус дүүргийн 32 хорооны Засаг дарга нарт “Цэргийн бэлтгэл” сургалт зохион байгууллаа. “Цэргийн бэлтгэл” сургалтыг 03 дугаар сарын 23, 24-ний өдрүүдэд зэвсэгт хүчний 311 дүгээр ангид зохион байгуулж Хороодын Засаг дарга нарт Батлан хамгаалах багц хуулийн шинэчлэлийн талаар танилцуулах, Дайчилгааны тухай хуулийг хэрэгжүүлж ажиллахад хорооны Засаг дарга нарын гүйцэтгэх үүрэг, оролцоо, Жагсаалын бэлтгэл, Тактик тусгай бэлтгэл зэрэг сургалтыг өгчээ.
