Цагдаагийн Ерөнхий газрын дарга Ө.Энхтөр шинэ албан тушаалдаа томилогдсон даруйдаа халаа сэлгээ хийгээгүй. Түүний энэ байдал шинээр томилогдсон дарга бүр халаа сэлгээ хийдэг гэсэн ойлголтыг үгүй хийсэн юм. Гэвч тэрбээр бусад дарга нарын адил халаа сэлгээгээ эхлүүллээ.

Тодруулбал, ЭЦГ-ын дарга, хурандаа Б.Буянтөрийг Баянгол дүүргийн Цагдаагийн II хэлтсийн даргаар, Нийслэлийн тагнуулын газрын даргаар ажиллаж байсан Батсайхан, тус газрын Эдийн засгийн хэлтсийн даргаар ажиллаж байсан Дагвасүрэн нарыг ЭЦГ-ын даргаар, ЦЕГ-ын Лизенцийн төвийн дарга, хурандаа Г.Эрдэнэцацралыг БЗД-ийн цагдаагийн I хэлтсийн даргаар, МБГ-ын Хүнд гэмт хэрэг мөрдөх хэлтсийн дарга, дэд хурандаа Ө.Эрдэнэхүүг Чингэлтэй дүүргийн цагдаагийн I хэлтсийн даргаар , тус газрын даргаар ажиллаж байсан Д.Отгонжаргалыг НЦГ-ын дэд дарга болгожээ.