Энэ оны эхний таван сарын байдлаар “УБТЗ” ХНН 13.3 сая тонн ачаа тээвэрлэсэн нь өнгөрсөн оны мөн үеэсээ 25.7 хувиар илүү байна. Тэр тусмаа экспортын тээвэр өмнөх оны мөн үеэс 75 хувиар, дамжин өнгөрөх тээвэр 49.8 хувиар илүү байна.

Зөвхөн тавдугаар сард импортоор БНХАУ-аас 81.5 мянган тонн, ОХУ-аас 225.3 мянган тонн ачаа тээвэрлэсэн бол экспортод БНХАУ руу 915 мянган тонн, ОХУ руу 22.6 мянган тонн ачаа тус тус тээвэрлэжээ. Харин орон нутгийн 947.2 мянган тонн, дамжин өнгөрөх 453.3 мянган тонн ачаа тээвэрлэсэн дүнтэй байна.

Эх сурвалж: "УБТЗ" ХНН