Энэ мэдээ хуучирсан буюу 2022/03/30-нд нийтлэгдсэн мэдээ болно.

ДЦС-4-ийн удирдлагууд тэтгэвэрт гарж буй ажилчдынхаа тэтгэмжээс “ЗАВШИХЫГ ЗАВДСАН“ уу

QR кодыг уншуулж мэдээг утсаараа унших боломжтой.

"Дулааны дөрөвдүгээр цахилгаан станц" ТӨХК 2022 оны гуравдугаар сарын 01-нд осол гарч, эрдэнэт хүний амь нас эрстсэн хэрэг гарсан. Гэвч тус үйлдвэрийн удирдлагууд нуун дарагдуулж, мэдээллийг гадагш задруулахгүй байхыг ДЦС-4-ийн ажилтнуудад өгсөн гэх мэдээлэл олон нийтийн сүлжээнд тархсан. Түүнчлэн тус байгууллагын удирдлагууд ажилчидтайгаа зүй бус харьцдаг, дарамталдаг, ажлын байр дээрээ архидан согтуурсан гэх мэдээллийг ажилчид нь хийгээд байгаа юм.

Ослын талаар ДЦС-4-ийн ҮЭ-ийн хороон дарга Д.Ган-Эрдэнэ хэвлэлд

"Ийм төрлийн осол удаа дараа гардаг. 2013 онд бас ийм осол гарсныг бас л үйлдвэрийн осол гээд нуун дарагдуулсан. Өнгөрсөн арванхоёр сард бас нэг осол гарсан. Тэгээд хариуцлага тооцъё гээд ярихаар энгийн ажилтнаасаа инженер нь хүртэл үйлдвэрчний хорооны гишүүн байдаг учраас бид гишүүнийхээ эсрэг ажиллаж болохгүй нэг нөхцөл байдал үүсдэг. Бид бүгдийнх нь эрх ашгийг хамгаалахын төлөө явах ёстой. Саяхан хүртэл хэвийн бус нөхцөлд ажилласан ажилчдын удаан жилийн нэмэгдлийг өгүүлэхийн төлөө өнгөрсөн оны 11 сард олгох байсан зүйлийг хөөцөлдсөөр байгаад сая л шийдүүллээ. Мөнгө байхгүй, боломж байхгүй гээд шийдэж өгдөггүй. Үнэ тарифтаа баригдчихаад байна л гэдэг." гэжээ.

Ажилчидтайгаа зүй бус харьцсан асуудал дээр "Дээрээс нь дарамт шахалт ихтэй. Ажилчдаа дээрэлхэн гадуурхах хандлага гаргадаг. Яам тамга руу бичиг явуулдаг. Шийдэхгүй, тоохгүй л байна. Ер нь үйлдвэрчний эвлэлийн хороог үл тоосон өнгө аястай байдаг." гэсэн байдаг.

Түүнчлэн олон жил ажилласан ажилчиддаа орон сууц худалдан авахад нь зориулж санхүүгийн дэмжлэг үзүүлдэг. Гэхдээ тэр дэмжлэг нь ялгавартай байдлаар олгогддог гэдгийг ч тус байгууллагын ажилтнууд хэлж байв.

ҮЭ-ийн хорооноос нь Гүйцэтгэх захирал Ү.Төмөрхуягт албан бичиг явуулдаг ч хариу ирдэггүй талаар хэлж байв.

Тэгвэл тус байгууллагад өрнөөд буй асуудал даамжран тэтгэвэртээ гарсан ахмадууд хүртэл оролцов. ДЦС4 ТӨХК-ны хувьд олон жил ажиллаад тэтгэвэртээ гарч буй ахмад ажилчиддаа тэтгэмж өгдөг. Харин тус тэтгэмжээс Ү.Төмөрхуяг тэргүүтэй ДЦС4-ийн удирдлагууд 10% татвар суутгаж авсан байна. Энэ нь Татварын тухай хууль зөрчсөн үйлдэл бөгөөд 60 гаруй ахмад ажилтан хууль бусаар алдсан 10%-иа эргүүлж авахаар шүүхэд хандсан байна. Анхан шатны шүүх тус асуудлыг хэлэлцэж 10%-ийг буцаан олгох шийдвэр гаргажээ. Гэсэн хэдий ч хүн тус бүрээр нь шүүхээр оруулж, шүүхийн процессыг удаашруулж, шүүхийн шийдвэрийг гүйцэтгэж мөнгийг нь олгохгүй байгааг. Шүүхэд хандсан ахмадууд улсын тэмдэгтийн хураамжаас эхлээд өмгөөлөгч хөлслөх хүртэл хөрөнгө мөнгө зарцуулж хохирч байгааг ч хэлж байв.

Энэ талаар ДЦС4-н ЭЗЦГ-ын дарга Я.Гэрэлмаа өөрийн цахим хуудсандаа бичиж холбогдох баримтуудыг хавсаргасныг хүргэе.

Эх сурвалж: Toim.mn

Энэ мэдээ хуучирсан буюу 2022/03/30-нд нийтлэгдсэн мэдээ болно.