Энэ мэдээ хуучирсан буюу 2021/12/14-нд нийтлэгдсэн мэдээ болно.

ОХУ-ын Тээврийн сайд В.Г.Савельев ЗТХ-ийн сайд Л.Халтартай уулзахаас татгалзжээ

Монгол Улсын Ерөнхийлөгч У.Хүрэлсүх энэ долоо хоногийн Пүрэв гараг /2021.12.16/-т ОХУ-ын Москва хотноо айлчилна. Энэхүү айлчлалын үеэр боловсрол, соёл шинжлэх ухаан, цэрэг аюулгүй байдал, хил хамгаалах, эрчим хүч, газ хийн хоолой зэрэг олон чиглэлээр гэрээ, хэлэлцээрүүд хийгдэх төлөвтэй байгаа талаар Оросын РТР сувгийн 7 хоногийн тойм нэвтрүүлгээр ч гарчээ.

Харин Ерөнхийлөгч У.Хүрэлсүхийн айлчлалын дараа Францын Ерөнхийлөгч Макрон тус улсад айлчилж, Европын холбоотой үл ойлголцоод байгаа асуудлууд болон Польш, Белрусийн хил дээр болоод буй хурцадмал асуудлуудаа шийдэх аж.

Тэгвэл энэ удаагийн айлчлалын үеэр зам тээвэр, төмөр замын чиглэлд ямар ч яриа хэлэлцээр болохгүй болсон тухай албан мэдээлэл иржээ. Учир нь ОХУ-ын Зам тээврийн сайд В.Г.Савельев нь манай улсын Зам тээврийн хөгжлийн сайд Л.Халтартай уулзахаас татгалзсан гэх мэдээлэл эх сурвалжаас бидэнд ирлээ.

Учир нь айлчлалын үеэр ОХУ-ын Зам тээврийн сайд В.Г.Савельев нь ямар нэгэн гадаад дотоод томилолт байхгүй хэдий ч Москва дахь ажлын байр болох яамны өрөөндөө байх бөгөөд харин маш шахуу уулзалт, хурал, шийдвэрлэх цаас бичиг баримтуудтай танилцах тул Монголын сайдыг хүлээж авах боломжгүй, харин Тээврийн дэд сайд А.В.Токаревтай уулзаж болно гэдгээ албан ёсоор мэдэгдсэн гэх эх сурвалжийн мэдээлэл байна. Сонирхуулахад, ОХУ-ын Зам тээрийн сайд В.Г.Савельев нь 2006 оноос 2020 оныг хүртэл Оросын Аэрофлот компаний захиралаар ажилласан бөгөөд Монгол Улсаас ОХУ-д суух элчин сайд н.Даваатай ОХУ-ын РЖД тэргүүн дэд захирал С.А.Павловтой уулзах үеийн ярианы тэмдэглэлд “Монголчууд өөрсдөө төмөр зам барина Оростой хамтрахгүй гэж үзэж байвал хэсэгтээ наад Монголчуудаа орхивол яасан юм бэ” гэж хэлүүлсэн байдаг.

Эх сурвалж: isee.mn

“Оны хүн”-ээр Илон Маск шалгарав
“Оны хүн”-ээр Илон Маск шалгарав
 
Өмнөговь аймгийн Засаг дарга Р.Сэддоржийн “зөөлөн сандал”-ын мөрөөдөл нь “хатуу сандал” руу чулуудчихав уу
Өмнөговь аймгийн Засаг дарга Р.Сэддоржийн “зөөлөн сандал”-ын мөрөөдөл нь “хатуу сандал” руу чулуудчихав уу
Энэ мэдээ хуучирсан буюу 2021/12/14-нд нийтлэгдсэн мэдээ болно.