Нэгэн үе “Хайрын нулимс”, “Хайрлах хүсэл”, “Чамтай хамт”, “Баяртай, миний хайр” зэрэг дуугаараа үеийнхээ залуусыг нэг хэсэгтээ хуйлруулж, од болж байсан “Флаш” хамтлагийнхан сүүлийн үед сураг чимээ тасраад байсан билээ. Хамгийн сүүлд 2014 онд тэд нэгдэж бусад уран бүтээлчидтэй хамтарсан тоглолт хийж байсан бол дахин бүрэн бүрэлдэхүүнээрээ Эрдэнэт хотод тоглолтоо хийхээр болжээ. Үе үе гэнэт гарч ирэх болсон залуус урлагийн тайз болон, үзэгчдэдээ мартагдахын хүсэхгүй байгаа бололтой.