Халдварт өвчин судлалын үндэсний төв /ХӨСҮТ/-ийн Тандалт судалгааны албаны даргаар ажиллаж байсан А.Амбасэлмаа Эрүүл мэндийн сайд С.Энхболдод зөвлөхөөр ажиллаж эхэлжээ.

Тэрбээр энэ сарын 1-нээс эхлэн гавьяаныхаа амралтад гарсан ч цар тахлын үед туршлагатай тархвар судлаачийг Эрүүл мэндийн сайд дэргэдээ авчээ.

А.Амбасэлмаа эмч энэ талаараа "Би Эрүүл мэндийн сайдын халдварт өвчин хариуцсан зөвлөхөөр ажиллаж байгаа. Заримдаа Эрүүл мэндийн яамны ээлжит мэдээллийг мэдээлж байна” гэв.

Тэрбээр эрүүл мэндийн салбарт 35 жил ажилласан бөгөөд ХӨСҮТ-д 14 жил ажиллажээ.

Эх сурвалж: shuurhai.mn