УИХ-ын гишүүн Б.Баттөмөр гэж хөтөлбөр сангуудыг алгасадаггүй эрхэм байна. Үнэ тогтворжуулах хөтөлбөртэй нэр нь холбогдсон асуудлын бэх нь хатаагүй байхад ЖДҮХ сангаас зээл авсан тухай мэдээлэл нь олон нийтэд хүрлээ. 

Дархан-Уул аймгаас тийз өвөрлөн УИХ-д суусан эрхэм гишүүн тойргийн иргэддээ дэмжих бус төрсөн дүүгийнхээ удирдан явуулдаг бизнесийг өргөжүүлэхэд зориулж ЖДҮХ сангаас зээл авсан байна. 

Тодруулбал, Б.Баттөмөр гишүүн өөрийнх нь эзэмшилд байдаг Мондем ХХК-иар дамжуулан  ЖДҮХ сангаас энэ оны 10-р сард 300,000,000 төгрөг зээлжээ.

УИХ-ын гишүүн Баагаагийн Баттөмөр Хөрөнгө орлогын мэдүүлэгтээ Мондем ХХК-ийн 80 хувь хувьцаа эзэмшдэг гэж мэдүүлсэн байдаг.  Эх сурвалжийн мэдээллээр Мондем ХХК-г үүсгэн байгуулагч нь Баагаагийн Аюуш гэгч нь Б. Баттөмөр гишүүний төрсөн дүү гэнэ. Б.Аюушийн хувьд тус компанийн Гүйцэтгэх захирлаар ажиллаж ирсэн байна. Мөн Мондем ХХК 2013-2015 оны хугацаанд ямар нэгэн үйл ажиллагаа эрхлээгүй. Харин Б.Баттөмөр гишүүнийг УИХ-д сууснаас хойш буюу 2016 оноос энэ компанийн түүх шинээр бичигдсэн бололтой юм.


УИХ-ын гишүүн Б. Баттөмөр өөрийн үүсгэн байгуулсан Мондем ХХК-ийн 80 хувийг эзэмшдэг болохоо Хөрөнгө орлогын мэдүүлэгтээ мэдүүлжээ. 

П.ГОО 
Оллоо.мн