Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадмын хүчит бөхийн барилдаанд 512 хүчтэн зодоглосноос Хөвсгөл Аймгийн Тосонцэнгэл сумын харъяат Цэдэвийн Содномдорж ес даван түрүүлж, Монгол Улсын арслан цол хүртсэн билээ. Шинэ Арслангийн цолны мялаалга наадмыг хоймор нутгийн өргөн дэлгэр зохион байгуулсан байна.
Арслан цолны мялаалга наадамд Хөвсгөл аймгийн Галт сумын уугуул улсын начин Ч.Хөхчирэнгэр түрүүлж, Говь-Алтай аймгийн Цогт сумын уугуул улсын начин Л.Цэрэнтогтох үзүүрлэжээ.
Улсын арслан Ц.Содномдорж өөрийн анхны багш болох Хөвсгөл аймаг Алаг-эрдэнэ сумын уугуулАймгийн арслан Н.Мөнхсүх багшдаа 5,000,000 төгрөг болон нэг азарга адуу бэлэглэжээ. Мөн наадамд цугласан 65-н дээш настай 200 гаруй ахмадуудад өөрийн гарын бэлэг гардуулан өгчээ.
