29 дүгээр сургуулийн захирал Б.Батсайхан дөнгөж сая ажлаа хүлээлгэн өглөө. Тэрбээр ажлаа хүлээлгэн өгөхгүй жагсаал, цуглаан зохион байгуулахаа мэдэгдээд байсан ч ийнхүү хүлээлгэн өгсөн байна.
Нийслэлийн Засаг дарга С.Батболд 29 дүгээр сургуулийн захирал Б.Батсайханыг ажлаас нь чөлөөлөх захирамж өчигдөр гаргасан. Түүний оронд түр орлон гүйцэтгэгчээр дохионы хэлний багш Сарантуяаг томилохоор шийдвэрлэсэн билээ.
Энэ дагуу өнөөдөр Нийслэлийн боловсролын газрынхан 29 дүгээр сургуулийн захирал Б.Батсайхантай ажил хүлээлцэхээр очсон ч тэрээр ажлаа өгөхөөс татгалзсан юм. Улмаар сургуулийнхаа багш нарын хамт өнөөдөр Нийслэлийн Засаг даргын Тамгын газрын байрны гадаа жагсаал зохион байгуулна гэдгээ мэдэгдээд байсан билээ.
