Хөгжлийн банкны 580 сая ам.долларын бондын төлөлт энэ сарын 21-ний өдөр хийгдэх ёстой. Тэгвэл Монгол Улсын Засгийн газрын гадаад зах зээлд “Хуралдай” нэрээр гаргасан шинэ бондын  анхдагч зах зээлийн арилжааны төлбөр гуравдугаар сарын 9-нд буюу өнөөдөр  хийгдэх товтой байгаа.

Тодруулбал, 580 сая ам.долларын евро бондын 82.5 хувийг солилцоогоор буюу шинэ “Хуралдай” бондоор хаах процесс ийн өрнөж байна. “Хуралдай” бондоор нийт 600 сая ам.доллар босгож буй  бөгөөд 124 сая ам.доллар нь манай улсад бэлнээр орж ирэх юм.

Шинжээчдийн тодотгож буйгаар хөрөнгө оруулагчид  “Хуралдай” бондыг чамгүй сонирхож байгаа аж. Шинэ бондыг худалдан авсан хөрөнгө оруулагчдын тухайд 76 хувь нь АНУ-ынх, 18 хувь нь  европынх, 6 хувь нь азийн хөрөнгө оруулагчид байна.