Шилэн Цогоо нэрээрээ алдаршсан иргэн Б.Цогтгэрэл Монгол Улсын Ерөнхийлөгчийн санаачилсан Шилэн дансны тухай хуулийг амьдралд хэрэгжүүлэн олон тооны өргөдөл гомдол гарган тууштай тэмцсэн билээ.
Түүний тэмцлийн үр дүнд Эрдэнэт Үйлдвэр, Монгол Банк зэрэг байгууллагууд Шилэн дансаа хөтөлдөг болж энэ хуулийн хэрэгжилтэд хойрго ханддаг байсан дарга нар түргэн авч ард түмний төсвийн хөрөнгөд үрэлгэн хандаж байгаа олон байгууллага, дарга нарыг нийтэд ил зарлан одоогийн байдлаар 51,8 тэрбум төгрөгийн хэмнэлтийг улсын төсөвт хийгээд байгаа юм.
Тэрээр өөрийн энэхүү Шилэн дансны тухай хуулийг хэрэгжүүлэх явцад гарсан саад бэрхшээл, амжилт ололт, хуулийн зөрчлүүд зэрэг олон сонирхолтой баримт сэлт бүхий онц сонирхолтой "Шилэн ном" -оо Сэлэнгэ пресс хэвлэлийн үйлдвэрт хэвлүүлэн гаргасан байна. Удахгүй номын нээлтээ хийн худалдаанд гаргах ажээ.
