УИХ-ын гишүүн ГХ сайд МАН-ын Ерөнхий нарийн бичгийн дарга асан Г.Занданшатар ажилдаа эргэн орж Стэнфордын их сургуулийн оюутан, судлаачдад зориулан “Монголын ардчилал: Геостратегийн байдал ба тогтолцооны зөрүү”сэдэвт лекцийг уншиж эхэлсэн байна.

Г.Занданшатар нь Гадаад хэргийн сайдаар ажиллаж байхдаа олон улсын гэрээ эрх зүй, гадаад орнуудтай харилцах үзэл баримтлалын бичиг баримт, гуравдагч хөршийн бодлого зэрэг томоохон ажлуудыг гардан хариуцаж амжилттай зохион байгуулсан байдаг бөгөөд Монгол улс Европын аюулгүй байдал, хамтын ажиллагааны байгууллагын (ЕАБХАБ) нь албан ёсны 57 дахь гишүүн орон болоход жинтэй хувь нэмэр оруулсан туршлагатай парламентч, дипломат хүн билээ.

Түүний Стэнфордын их сургуульд хийж буй судалгаа шинжилгээний ажлууд энэ жил дуусах юм.