Ардчилсан намын даргын сонгуульд нэр дэвшигч МУ-ын Ерөнхийлөгч асан Х.Баттулга, УИХ-ын гишүүн Ж.Батсуурь нар орон нутаг дахь намын гишүүдтэйгээ уулзаж, намын даргад нэр дэвшсэн зорилго зорилтоо танилцуулсаар яваа. Өнөөдөр тэд 17 дахь аймагтаа очоод байгаа аж.
Харин тэдний уулзалт хийсэн аймгуудаар өчигдрөөс нэгэн сонинг тарааж эхэлжээ. Тодруулбал, өнгөрсөн шөнө Говь-Алтай аймагт айлуудын хашаанд тавих, хаалганд хавчуулах зэргээр “хэн, хаанаас” гэдгийг нь мэдэх боломжгүйгээр тараасан байна.
“Offshor news” гэх уг сонин нь нэр дэвшигч Х.Баттулгын зургийг янз бүрээр эвлүүлж, олны анхаарал татсан гэмт хэргүүдийг үйлдэгч мэтээр бичсэн байгаа юм.
Иймээс сонин хүлээн авсан намын гишүүдийнх нь зүгээс “өрсөлдөгчөө гүтгэж, нэр төрийг нь унагах явуургүй арга хэрэглэж байна” гэж үзэж байгаа аж.
Харин нэр дэвшигч Х.Баттулгын зүгээс уг асуудлаар ямар нэг мэдэгдэл хийгээгүй байна.
