Улсын хоёрдугаар төв эмнэлгийн эргэн тойронд хэл ам ихтэй байгаа болтой. Тус эмнэлгийн даргаар томилогдсон Я.Амаржаргал нь өмнөх засгийн газрын үед төрийн нарийн бичгийн даргаар ажиллаж байх хугацаандаа том хэмжээний авилга ашиг сонирхлын алдаа зөрчил гаргаж халагдсан боловч “халагдан дэвшүүлэгдэж” УХТЭ-ийн захирлын суудалд 2021 оны 1 дүгээр сард ирсэн юм. Ирснээсээ хойш хэвлэл, мэдээллийн хэрэглсээр удаа дараа цоллуулсан төдийгүй эрхэм гишүүдийн дургүйг удаа дараа хүргэж ундууцуулсан байна.

Жишээлэхэд, засгийн газрын гишүүнийг 2-р эмнэлэгт хэвтэж байх үед нь өөрөөс нь эм тариаг нь гаднаас худалдан авхуулсан, нийгмийн бодлогын байнгын хорооны гишүүдийг тус эмнэлэгт ирж ажиллах үеэр ажлын байран дээрээ байгаагүй 2 цагийн дараа арай ядан дуртай дургүй ирсэн, төрийн түшээдийн эмч нарыг өөрсдөдтэй нь зөвшилцөхгүй сольж хольж бужигнуулсан гэхчлэн асуудлуудыг удаа дараа гаргасан байна. Гэвч түүний төрийн нарийн болон эмнэлгийн захирал байх хугацаандаа хийсэн балгуудыг дурьдвал,

1. УХТЭ нь 90 жилийн түүхтэй бөгөөд эмнэлгийн 90 жилийн ойг тэмдэглэх нэрийдлээр эрүүл мэндийн даатгалын мөнгөөр буюу эрүүл мэндийн даатгалын мөнгөөр худалдан авсан урвалж, оношилгооны хэрэгслийг иргэдэд хэрэглэхгүй хувийн аж ахуйн нэгжийн ажилчдын үзлэгийг “бартер”-н шугмаар хийж мөнгө босгосон байдаг. Ноолуурын “ГОВЬ” үйлдвэрийн 1800 ажилтны урьдчилан сэргийлэх үзлэгийг зохион байгуулж түүнтэй дүйцэх хэмжээний орлогыг албан бус замаар авч буй нь хуульд нийцээгүй үйлдэл хийж буйг харуулж байна. Говь компанийн 60,000 төгрөг болсон ноолууран майкыг 126,000 төгрөгөөр тооцож бартердсан байдаг.

2. Төрийн нарийн бичгийн даргаар ажиллаж байх хугацаандаа КОВИД-19 цар талхын үеийг далимдуулан өндөр үнэтэй оношилгооны багаж хэрэгсэл болох эхо, рентген аппаратыг Б..... ХХК-тай тохироо хийж их хэмжээний мөнгийг улс төрийн нөлөө бүхий хүмүүстэй хуйвалдан угаасан байж болзошгүй байдаг.

3. Мөн түүнчлэн 2-р эмнэлэгт ирснийхээ дараа эм, эмнэлгийн хэрэгслийн тендерийг өөрийн хүссэнгээрээ хуулийн бичиг баримт болон албан тушаалтныг сольж ашиг сонирхол бүхий аж ахуйн нэгждээ боломж олгон авилга үйлдсэн, тус эмнэлгийн цэцэрлэгийг байгуулах нэрийдлээр хандив тусламжыг хамтран ажиллагч байгууллагуудаас нэхэмжлэн хувьдаа завшсан. Үнийн дүн 500 гаруй сая төгрөгийг хувьдаа ашигласан.

4. 90 жилийн ойн арга хэмжээг тэмдэглэх нэрийдлээр олон тооны эм, эмнэлгийн хэрэгсэл худалддаг байгууллагаруу холбогдон хандив нэхэж түүнийгээ хувьдаа завшсан бөгөөд түүний гол орлогоо бүрдүүлдэг дансны эзэн иргэн С-ын гүйлгээний дансан дахь мөнгөний тоо 10 оронтой тоогоор хэмжигдэхүйц байсан нь ил болсон юм.

5. Тус эмнэлгийн резидент эмч нарын сургалтын төлбөрийг төрийн санд байршуулалгүй сургалтын албаны дарга Баяарсайхантай (өмнө ЭМЯ-нд хамт ажилж байсан) хуйвалдан бэлнээр гар дээр авч түүнийгээ хувь хүмүүсийн дансруу шилжүүлэн эргэлдүүлсэн байдаг. Нийт 110 гаруй резидент эмчийн төлбөрийн мөнгө 140 гаруй сая төгрөг дээр нэмэлтээр 140,000 төгрөгийг резидент эмч нараас хууль бусаар хураан авсан байна. Үүнийг ЭМЯ мэдсээр байгаа хэрнээ мэдэн будилж дуугай байгаа нь хачирхалтай.

Дээрх асуудлуудаас үүдэлтэйгээр эмнэлгийн 90 жилийн ойн өмнөх өдөр буюу 2021 оны 11 дүгээр сарын 11-ний өдөр түүний албан өрөөнд АТГ-с шалгалт хийн ноцтой зөрчил илрүүсэн учир саатуулан баривчилж шалгаж байгаа юм байна. Түүний албан өрөөнөөс 100 гаруй сая төгрөг бэлнээр гарсан гэх албан бус мэдээ тарсан байна. Түүнчлэн одоогийн нөхрийн дансаар их хэмжээний мөнгө эргэлдүүлсэн байх асуудлаар хамт байцаагдаж буй гэнэ.