Энэ мэдээ хуучирсан буюу 2021/10/20-нд нийтлэгдсэн мэдээ болно.

МАН доторх зодоон буюу Plan Sum

QR кодыг уншуулж мэдээг утсаараа унших боломжтой.

Улс төрийн халууралтай намар болж байна. Саяхан сөрөг хүчин болох АН-ын Бүлгийн дарга Д.Ганбат бүлгийн гишүүн Ц.Тувааныг намаас хөөж, мөн С.Ганбаатар, Н.Алтанхуяг нарыг бүлгээс гаргасан мэдэгдэл хийсэн юм. Мөн УИХ дахь Ан бүлэг хуралдаад Д.Ганбатыг мөн л огцруулж орхилоо. Мөн дээд шүүх дээр тус намын даргыг мөн л хүлээн зөвшөөрөлгүй, хоёр ч сонгуульд ялагдаад байгаа С.Эрдэнэ нь дарга хэвээр үлдэж байгаа нь намынх нь дотор дахин бужигнаан үүсгээд байгаа гэнэ.

Сөрөг хүчин хэрэндээ л бужигнаж байгаа бол эрх барьж байгаа МАН илүү томоор, илүү хүчтэйгээр зодолддог нь сошиал ертөнцөд тараад байгаа “plan Sum” гэх төлөвлөгөөнөөс харагдаж байна. Арваннэгдүгээр сард Ерөнхий сайд Л.Оюун-Эрдэнийг намын их хурлаар жинхлэх бөгөөд түүнийг угтсан намын дотоод зөрчил илт болоод байгаа нь улс төр сонирхдог хүмүүсийн дунд нууц биш болоод байна. Нэг талаас Увсын Ч.Хүрэлбаатарын нөгөө талаас Говь-Алтайнхан буюу Д.Амарбаясгалангийн талынхан намын даргад ил далд санаархлаа илэрхийлж эхэлсэн гэх цуу яриа бий.

Д.Сумьяабазар МАН-ын Нийслэлийн намын хорооны дарга бөгөөд энэ утгаараа намын хуралд Л.Оюун-Эрдэний хамгийн том түшиц газар байх нь дамжиггүй. Тиймээс Plan Sum –аар Нийслэлийн намын даргыг нухчин дарах, эс бөгөөс Л.Оюун-эрдэнийн үйл ажиллагаа зогсоох тохироо хийх эцсийн зорилготой байх боломжтой. Сошиал орчинд задраад буй уг төлөвлөгөөгөөр нэлээд их мөнгөн дүн харагдаж байна. Мөн энэхүү палан хэдийн хэрэгжээд эхэлсэн болох нь паланд тэмдэглэгдсэн сэдвүүдээр хийсэн хайлтаас харагдаж байна. Хэн хэн санхүүжүүлж хийлгэж байгаа нь тодорхойгүй ч удахгүй ил болж МАН-ын доторх зодооны эзэд тодрох биз ээ. Хэвлэл, телевиз, сошиал, инфлүүнзэрүүдийг хамруулсан ихээхэн хэмжээний мөнгөн дүнтэй уг төлөвлөгөө хэрхэн, хаана, яаж дуусахыг таахад бэрх.

Бид төлөвлөгөөний дагуу твиттер дээр хайлт хийж үзэхэд ямар ч үг үсгийн зөрөөгүй жиргээнүүд хөвөрч байгаа нь ямар ч байсан уг төлөвлөгөө хэрэгжээд эхэлсэн гэж үзэж болхоор байна. Одоо цаашид хэрхэн өрнөж аль МАН нь ялахыг харах үлдэж.

Энэ мэдээ хуучирсан буюу 2021/10/20-нд нийтлэгдсэн мэдээ болно.