Грэммийн наадмаас нэг үдэш хамгийн олон шагнал хүртсэн эмэгтэй дуучин болж байсан Британнийн дуучин Адель Лори Блу Эдкинс урлагаасаа түр хөндийрөөд байсан билээ. Хамгийн сүүлд буюу 92 дахь удаагийн Академийн шагнал гардуулах ёслолын дараах үдэшлэг дээр авахуулсан түүний зураг олныг шоконд оруулсан гэж хэлж болно.

Учир нь тэрээр 45кг-ийн жинг хасаж цоо шинэ дүр төрхтэйгээр гарч ирсэн юм. Түүний жингээ хассан нууц нь сиртфуд нэртэй дэглэм бөгөөд Их Британид ихээхэн алдартай гэнэ. Дуучин бүсгүй урлагтаа эргэн ирж шинэ цомгийнхоо ажилд ханцуй шамлан орсон бөгөөд “Easy on me” дуугаа юүтүб хуудсанд байршуулсан даруйдаа дөрөвхөн цагийн дотор 7 сая гаруй хүн үзээд байна.