Эдгээр өдрүүдэд Монгол Улс даяар бүх нийтийн бэлэн байдлыг тав дахь удаагаа зарлаад байгаа билээ. Тэгвэл тус хөл хориог сунгах асуудал олны анхааралд байна. ЭМЯ хөл хориог 14 хоног сунгах саналаа УОК-т хүргүүлсэн бөгөөд тус саналыг хэлэлцсэн эсэх нь тодорхой бус байна.
Энэ талаар Шадар сайдын хэвлэлийн төлөөлөгч Ц.Мөнхбаатар "Мэргэжлийн байгуулагуудаас хөл хориог 7-14 хоног сунгах хүсэлт гаргасан. УОК өчигдрийн байдлаар хуралдаагүй. ЭМЯ болон холбогдох байгуулагуудын саналыг УОК, Засгийн газар хэлэлцэж, хөл хориог хэд хоногоор сунгахыг шийднэ. Эцсийн шийдвэр гараагүй байна" гэв.
Хэдий хөл хориог тавьсан ч мэргэжлийн байгууллагуудаас энэ удаагийн хөл хорио сул байгааг хэлж байгаа юм. Учир нь явганаар хөдөлгөөнд оролцох болон хүүхдийн тоглоомын талбайгаас халдвар авах эрсдэл өндөр байгаа аж.
