Коронавирусийн цар тахлыг дарж чадах ганц зүйл бол вакцин юм. Монгол Улсад нийт 496,470 хүн эхний ээлжийн дархлаажуулалтад хамрагдаад байгаа билээ. Тэгвэл ирэх долоо хоногоос буюу энэ сарын 23-ны өдөр Синофарм компаний 600,000 тун вакцин Монголд буухаар болсон талаар албаныхан хэллээ. Ингэснээр тухайн компаний вакцин хийлгэсэн иргэд хоёрдугаар тундаа хамрагдах боломжтой болж байгаа юм. Тиймээс иргэд та бүхэн хөл хорионы дэглэмээ сахин халдвар хамгааллаа сахихыг зөвлөж байна. Вакцин хийлгэсэн ч халдвар, хамгааллын дэглэмээ сахих хэрэгтэй гэдгийг мэргэжлийхэн зөвлөж байгаа юм.
