Монгол Улсын Их хурлын 2010 оны 32 дугаар тогтоолоор баталсан “Төрөөс төмөр замын тээврийн талаар баримтлах бодлого”-ын баримт бичигт төмөр зам барих ажлын үе шат бүрийн эхлэх хугацааг эдийн засаг, нийгмийн хөгжил, хөрөнгө, санхүүгийн эх үүсвэртэй уялдуулан Засгийн газар тухай бүр шийдвэрлэж байхаар заасан байдаг.
Үүнтэй холбоотойгоор 2019 оны 04 дүгээр сарын 10-ны өдөр Засгийн газрын баталсан “Тавантолгой-Зүүнбаян чиглэлийн төмөр замын төслийн ажлыг эрчимжүүлэх тухай” 135 дугаар тогтоолын хэрэгжилтийг хангах зорилгоор “Монголын төмөр зам” ТӨХК АНУ-ын “МакКинсей энд компани”-аар ахлуулсан зөвлөх багийн 2011 онд гүйцэтгэсэн техник, эдийн засгийн үндэслэлээс Тавантолгой-Зүүнбаян чиглэлийн 414.6 км төмөр замын хэсгийн Техник эдийн засгийн үндэслэлд хийсэн тодотголыг Зам, тээврийн хөгжлийн яамны Шинжлэх ухаан техникийн зөвлөлийн энэ оны 05 дугаар сарын 16-ны өдрийн хуралдаанаар хэлэлцэн дэмжсэн байна.
