Их хэмжээний тэсрэх бодис борлуулах зорилгоор хадгалж байсан этгээдүүдийг ТЕГ-аас илрүүлэн шалгаж байна. Тодруулбал өнгөрсөн сарын 31-ний өдөр Налайх дүүргийн харьяат А, Б нар их хэмжээний тэсрэх бодис хууль бусаар хадгалж, зарж борлуулахаар зэхэж байжээ.

Хувиараа ашигт малтмал олборлодог иргэдэд тэсэрч дэлбэрэх бодис хууль бусаар зарж, борлуулах явдал гардаг бөгөөд тэсрэх бодисыг зөвшөөрөлгүй хэрэглэснээс үүдэн иргэд амь нас, эрүүл мэндээрээ хохирох эрсдэлтэйг анхаарууллаа.