Энэ мэдээ хуучирсан буюу 2022/09/29-нд нийтлэгдсэн мэдээ болно.

УБТЗ-ын дарга Х.Хэрлэн БНХАУ-ын Элчин сайдын яамны Худалдаа, эдийн засгийн зөвлөх Сун Сүежинийг хүлээн авч уулзлаа

Өнөөдөр УБТЗ-ын дарга Х.Хэрлэн БНХАУ-ын Элчин сайдын яамны Худалдаа, эдийн засгийн зөвлөх Сун Сүежинийг хүлээн авч уулзлаа. Уулзалтын үеэр УБТЗ-ын дарга Х.Хэрлэн Замын-Үүд – Эрээн өртөөний өргөн царигаар солилцох галт тэрэгний тоог нэмэгдүүлэх замаар оны эхний хагаст алдсан тээврийн хэмжээг нөхөх, Эрээн өртөөнд хүлээлгэн өгөх хоосон чингэлэгтэй галт тэргийг нэмэгдүүлэх, Улаанбаатар-Дархан чиглэлийн авто замын бүтээн байгуулалтад шаардлагатай байгаа импортын цементийн тээврийг эхлүүлэх, Замын-Үүд – Эрээн өртөө хоорондын нарийн царигийн 2 дахь гол замын хил холболтын цэгийг тохирох асуудлыг яаралтай шийдэхэд дэмжлэг үзүүлж ажиллахыг ноён Сун Сүежинээс хүсээд “УБТЗ” ХНН-ийн зүгээс Замын-Үүд – Эрээн боомтоор нэвтрэх тээврийн хэмжээг нэмэгдүүлэх, хилийн төмөр замын хамтын ажиллагааг хөгжүүлэх чиглэлээр БНХАУ-аас Монгол Улсад суугаа ЭСЯ-тай тогтмол харилцаа холбоотой, илүү нягт хамтран ажиллах хүсэл эрмэлзэлтэй байгаагаа илэрхийллээ.

Мөн БНХАУ байгуулагдсаны 73 жилийн ойн баярын мэндийг БНХАУ-аас Монгол Улсад суугаа Онц бөгөөд бүрэн эрхт элчин сайд Цай Вэнруй болон Элчин сайдын яамны нийт хамт олонд уламжилж өгөхийг хүслээ.

БНХАУ-ын Элчин сайдын яамны Худалдаа, эдийн засгийн зөвлөх Сун Сүежин хүсэлтийг бүх талаар дэмжин ажиллахаа илэрхийлэв. Уулзалтад БНХАУ-ын ЭСЯ-ны Хоёрдугаар нарийн бичгийн дарга Туяа болон УБТЗ-ын Удирдлагын асуудал хариуцсан замын орлогч дарга Н.Энхцогт, БНХАУ-ын Бээжин хот дахь УБТЗ-ын төлөөлөгчийн газрын тэргүүн А.Анар, албаны бусад хүмүүс байлцлаа.

May be an image of 6 people, people sitting and people standing

May be an image of 2 people, people sitting, people standing and indoor

Сайд нар Ёс зүйн дүрэмгүй учраас “ёроолгүй тэнэглэл“ нь дуусахгүй
Сайд нар Ёс зүйн дүрэмгүй учраас “ёроолгүй тэнэглэл“ нь дуусахгүй
 
Н.Учрал: Банкны иргэнээс шаарддаг 69 төрлийн лавлагааг халлаа
Н.Учрал: Банкны иргэнээс шаарддаг 69 төрлийн лавлагааг халлаа
Энэ мэдээ хуучирсан буюу 2022/09/29-нд нийтлэгдсэн мэдээ болно.