Монгол Улсын Засгийн газрын 2018 оны 36 дугаар тогтоолоор “Үйлдвэржилт 21-100” Үндэсний хөтөлбөр батлагдан 5 зорилт 79 арга хэмжээ төлөвлөн ажиллаж байна.

ХХААХҮ-ийн сайдын 2019 оны 03 сарын 07-ны өдрийн А-56 тушаалаар “Үйлдвэржилт 21:100” Үндэсний хөтөлбөрийн хэрэгжилтэд хяналт тавих, эрчимжүүлэн зохион байгуулах ажлын хэсгийг байгуулан, ХХААХҮ-ийн дэд сайд Ж.Сауле ажлын хэсгийг ахлан ажиллаж байна. Ажлын хэсэг өнөөдөр хуралдаж хөтөлбөрийн хэрэгжилт, тулгамдсан асуудал, цаашид хэрэгжүүлэх ажлын талаар  санал солилцлоо. Энэ хүрээнд "Үйлдвэржилт: 21:100 " хөтөлбөрийн хэрэгжилтэд хөрөнгө оруулалтын асуудал чухал шаардлагатай байна. Тиймээс яам тус бүр саналаа ирүүлж нэгтгэж,  танилцуулга бэлтгэн сайдын зөвлөлд болон Засгийн газарт танилцуулах  үүрэг чиглэлийг ХХААХҮ-ийн дэд сайд,  ажлын хэсгийн дарга Ж.Сауле өгсөн юм.