"Эрдэнэт Үйлдвэр"-ийн 49 хувийг ОХУ-аас худалдан авах үйл ажиллагааг зохион байгуулсан үйл ажиллагаанд оролцсон гэх асуудалтай холбогдуулан ХХБ-ын ТУЗ-ын дарга Д.Эрдэнэбилэг нарыг саатуулан байцаасан.

ХХБ-ын ТУЗ-ын дарга Д.Эрдэнэбилэгийн хувьд олон нийтэд тийм ч танил бус нэгэн юм. Харин өнөөдрийн байцаалтын дараа ЦЕГ-ын Эрүүгийн цагдаагийн албаны байрнаас гарч ирэхэд нь дээрх зургийг дарсан байна.

Түүний тухай Ц.Нямдорж сайд УИХ-ын дэд дарга байхдаа "Энэ бүх ажиллагааны цаана ХХБ, УБ банкны ТУЗ-ийн дарга Д.Эрдэнэбилэг гэдэг хүн байна. Д.Эрдэнэбилэг нь Улаанбаатар банкны 99 хувийн хувьцаа эзэмшигч. “Эрдэнэт” үйлдвэр тойрсон бүх юм энэ хүнээр дамжсан дүр зураг харагдаж байна. Худалдаа Хөгжлийн Банк нь Дарханы төмөрлөгийн үйлдвэр, Багануур, III, IV цахилгаан станцуудыг хувьчилж авахаар бэлтгэлээ хангаж байна.
Арилжааны банк нь ийм үйл ажиллагаа явуулах нь хориотой" хэмээж байсан юм.

 Ямартай ч өнөөдөр Д.Эрдэнэбилэг “Эрдэнэт” үйлдвэрийн 49 хувийн асуудалтай холбогдуулан түүнийг байцаав.