2013 он 8-р сарын 17 Бямба,
Онгироо.МН
Эхлэл » Нийгэм » МАН-ЫН УЗАА-НЫ УДИРДЛАГУУД ЗАВХАН АЙМАГТ АЖИЛЛАЖ БАЙНА

МАН-ЫН УЗАА-НЫ УДИРДЛАГУУД ЗАВХАН АЙМАГТ АЖИЛЛАЖ БАЙНА

Нийтлэлийн төрөл: Нийгэм, Улс төрч

Монгол Ардын Намын Ерөнхий Нарийн Бичгийн дарга Д.Амарбаясгалангаар ахлуулсан ажлын хэсэг Завхан аймагт ажиллаж байна. Намын анхан шатны байгууллагыг бэхжүүлэх жилийн хүрээнд өнгөрсөн долоо хоногт Хэнтий аймаг ажилласан бол энэ долоо хоногт Завхан аймагт ажиллаж иргэдтэй уулзаж, аймгийн намын хорооны ажилтай танилцаж байгаа юм. Энэ үеэр “ЭРХ БАРЬЖ БУЙ УЛС ТӨРИЙН НАМЫН ХУВЬД ДОТООДДОО ХАРИУЦЛАГА ЁС ЗҮЙН АСУУДЛЫГ ИЛҮҮ ӨНДӨР ТҮВШИНД ЯРИХ ЁСТОЙ. ХАРИУЦЛАГА АЛДСАН ХҮМҮҮСТЭЭ ХАРИУЦЛАГА ТООЦОЖ ЧАДДАГ БАЙХ ЁСТОЙ” гэдгийг Ерөнхий Нарийн бичгийн дарга Д.Амарбаясгалан онцгойлон хэлж анхааруулж байлаа.

Намын зүгээс ёс зүй хариуцлагын асуудлыг Завхан аймгийн хэмжээнд хөндөж яривал эхний ээлжид сонгуульд ялагдал хүлээсэн явдал. 2016 оны УИХ болон орон нутгийн сонгуульд МАН-ын ялагдсан ганц аймаг бол Завхан. Ялагдалд гадаад дотоод олон шалтгаан байгааг тоочин ярихаасаа урьтаж нам төлөөлсөн удирдлагууд хэрхэн ажилласан вэ гэдгийг ярих нь зүйтэй. Өөрөөр хэлбэл намын нэрээр аймаг орон нутгийг удирдаж байсан төдийгүй УИХ-д сонгогдон ажиллаж байсан хүмүүсийн хариуцлагын асуудал. Тэд иргэд олон нийттэйгээ хэр ойр байж хэрхэн тулж ажилласан вэ гэдэгт аймгийн иргэдээс өгсөн дүн бол сонгууль байсан. Үүнийг болоод өнгөрсөн гээд орхих биш эргээд хариуцлага ярьдаг байх нь зүйтэй гэдгийг намын удирдлагууд болоод анхан шатны байгууллагын төлөөллүүд хэлж байна.

   

 

Түүнчлэн иргэдийн зүгээс Завханд ялалт байгуулсан Ардчилсан намын Засаг дарга төрийн  албан хаагчдыг олноор нь халж байгааг шүүмжлэн ярьж байлаа. Үндэслэлгүй ажлын халсан асуудлаас үүдээд амиа хорлох тохиолдол хүртэл гарсан. Аймаг даяараа сум баг хороо гэх мэт бүх шатанд бий болоод байгаа энэ завхралын эсрэг иргэд олон нийтийн зүгээс багагүй тэмцсээр байгаа ч тодорхой үр дүнд хүрч чадахгүй байгааг уулзсан иргэн бүр хэлж байлаа. Тиймээс Завхан аймгийн хувьд сөрөг хүчний үүрэг гүйцэтгэж байгаа аймгийн намын хорооны зүгээс иргэдийн нүд чих, дуу хоолой болж намын бүтцээрээ дамжуулан УИХ, Засгийн газарт хууль бус үйлдлийг мэдээлэх үүргийг ч  гүйцэтгэх ёстойг намын удирдлагууд намын идэвхтэн сонгуультнууддаа захилаа.

Дашрамд дуулгахад УИХ, Засгийн газрын түвшинд МАН эрх барьж 2016 оны УИХ-ын сонгуулийн мөрийн хөтөлбөрөө хот хөдөөгүй хэрэгжүүлж байгаа. Үүний нэгээхэн илрэл нь МАН-ын бүрдүүлсэн Засгийн Газар Завхан аймгийн хөгжил бүтээн байгуулалтын асуудалд анхаарлаа хандуулж Тосонцэнгэл Улиастай чиглэлийн 114 км замыг БНХАУ хөнгөлөлттэй зээлээр барих шийдийг гаргасан явдал. Мөн Загастайн даваа Улиастайн чиглэлийн 67 км замыг зээлээр барих ажлыг энэ жил эхлүүлнэ. Ингэснээр Улиастай хот Улаанбаатар хоттой бүрэн холбогдох юм.

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.