2013 он 8-р сарын 17 Бямба,
Онгироо.МН
Эхлэл » Нийгэм » ГОЛОМТ БАНК ОХУ-ТАЙ ХИЙХ ХУДАЛДАА, ЭДИЙН ЗАСГИЙГ ХАРИЛЦААГ ӨРГӨЖҮҮЛНЭ

ГОЛОМТ БАНК ОХУ-ТАЙ ХИЙХ ХУДАЛДАА, ЭДИЙН ЗАСГИЙГ ХАРИЛЦААГ ӨРГӨЖҮҮЛНЭ

Нийтлэлийн төрөл: Нийгэм, Онцлох мэдээ

Монгол-Оросын Санаачилга -2018” цуврал арга хэмжээний хүрээнд Улаанбаатар хотноо энэ оны 6-р сарын 7-8-ны өдрүүдэд зохион байгуулагдсан Монгол-Оросын хил орчмын мужуудын хамтын ажиллагаа чуулган болонМонгол-Оросын хөрөнгө оруулалт, санхүүгийн салбар дахь хамтын ажиллагаа ба банк хоорондын дугуй ширээний гуравдугаар уулзалт-ын үеэр Голомт банк Оросын  экспортын зээл ба хөрөнгө оруулалтын даатгалын агентлаг болох EXIAR-тай хамтын ажиллагааны санамж бичигт, Олон улсын эдийн засгийн хамтын ажиллагааны банк(IBEC)-тай хамтын ажиллагааны гэрээнд тус тус  гарын үсэг зурлаа.

 Уг гэрээ болон санамж бичигт гарын үсэг зурснаар талууд Монгол улс болон ОХУ хоорондын худалдаа эдийн засгийн харилцааг улам өргөжүүлэхэд бодит хувь нэмрээ оруулна гэдэгт итгэлтэй байна.

EXIAR нь 2011 онд экспортыг дэмжих зорилгоор үүсгэн байгуулагдсан ОХУ-ын экспортын зээлийн  агентлаг юм. Голомт банк нь тус агентлагийн охин компани болох Оросын Экспортын банктай банк хоорондын зээл болон худалдааны санхүүжилтийн чиглэлээр хамтран ажиллаж байна.

Олон улсын эдийн засгийн хамтын ажиллагааны банк нь 1963 онд үүсгэн байгуулагдсан Москвад төвтэй  банк бөгөөд Монгол улс тус банкны гишүүн орон юм. Голомт банк нь тус банктай банк хоорондын арилжаа, худалдааны санхүүжилтийн чиглэлээр хамтран ажиллаж байна.

Голомт банк нь олон улсын нэр хүнд бүхий 80 гаруй банк санхүүгийн байгууллагуудтай нягт хамтран ажиллаж, Монгол улсын гадаад худалдаа, хөрөнгө оруулалтыг дэмжих чиглэлээр  санхүүгийн цогц үйлчилгээг үзүүлдэг, зах зээлд тэргүүлэх байр суурьтай, харилцагч төвтэй банк юм.

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.