2013 он 8-р сарын 17 Бямба,
Онгироо.МН
Эхлэл » Нийгэм » Сайншандад барих 30 мВт-ын нарны цахилгаан станцын санхүүжилт шийдэгдлээ

Сайншандад барих 30 мВт-ын нарны цахилгаан станцын санхүүжилт шийдэгдлээ

Нийтлэлийн төрөл: Нийгэм

Сайншандад барих 30 мВт-ын нарны цахилгаан станцын санхүүжилт шийдэгдлээ

Монголын “Desert Solar Power One” компани 30 мегаваттын хүчин чадалтай нарны цахилгаан станц барих санхүүжилтээ босгожээ. Компани 30 мегаваттын нарны цахилгаан станц барих зөвшөөрлөө аваад хоёр жил гаруй хугацаа өнгөрөөд байсан юм. Тэгвэл саяхан Европын сэргээн босголт хөгжлийн банк, “Triodos Investment Management”, Голландын хөгжлийн банкнаас нарны цахилгаан станц барих зорилултаар 31.6 сая ам.долларын зээл авсан байна. Европын сэргээн босголт хөгжлийн банкны албан ёсны цахим хуудсанд энэ талаар мэдээллээ. Тус компани дээр гурван зээлдүүлэгч тус бүрээс 10.5 сая ам.доллар зээлж байгаа аж. Нарны цахилгаан станц Дорноговь аймгийн Сайншанд хотын ойролцоо баригдах юм байна. Төслийн нийт хөрөнгө оруулалт 47.5 сая ам.доллар гэж тооцогдож байгаа ажээ.

Манай улсын сэргээгдэх эрчим хүчний анхны томоохон эх үүсвэр болох 50 мВт-ын хүчин чадалтай салхин цахилгаан станцыг 2013 онд “Ньюком”-ын охин компани “Клин Энержи” Төв аймгийн Сэргэлэн суманд барьж, ашиглалтад оруулж байв. Үүнээс хойш байгаль орчинд ээлтэй, агаарын бохирдол бууруулахад нөлөөтэй станцыг хараахан бариагүй байгаа билээ. Тэгвэл “Aydiner Global” компани 50.4, “AB solar wind” 100, “Сайншандын салхин парк” 52, “Клинтек” 250, “Клин энержи Ази” 50 мВт-ын салхин, “Desert solar power one” 30, “Rural electrification” 10, “Мон Кореа инженеринг” найман мВт-ын нарны цахилгаан станц барих тусгай зөвшөөрөл аваад байгаа юм. Мөн 315 мВт-ын хүчин чадалтай Эгийн голын, 300 мВт-ын Шүрэнгийн усан цахилгаан станц барихаар төлөвлөж буй.     

Монгол Улс 2020 он гэхэд нийт эрчим хүчнийхээ 20 хувийг сэргээгдэх эх үүсвэрээс хангах зорилт тавин ажиллаж байгаа. Энэхүү зорилгоо биелүүлэхэд энэ удаагийн төсөл маш ач холбогдолтой гэдгийг ЕСБХБ-ны мэдээлэлд цоохон тэмдэглэжээ. 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.