2013 он 8-р сарын 17 Бямба,
Онгироо.МН
Эхлэл » Нийслэл » ДЭЛХИЙН ЦЭЦЭРЛЭГТ ХҮРЭЭЛЭНГИЙН ӨДРӨӨР ГЭР БҮЛЭЭРЭЭ ҮНДЭСНИЙ ЦЭЦЭРЛЭГТ ХҮРЭЭЛЭНГ ЗОРИОРОЙ

ДЭЛХИЙН ЦЭЦЭРЛЭГТ ХҮРЭЭЛЭНГИЙН ӨДРӨӨР ГЭР БҮЛЭЭРЭЭ ҮНДЭСНИЙ ЦЭЦЭРЛЭГТ ХҮРЭЭЛЭНГ ЗОРИОРОЙ

Нийтлэлийн төрөл: Нийслэл, Нийгэм

ДЭЛХИЙН ЦЭЦЭРЛЭГТ ХҮРЭЭЛЭНГИЙН ӨДРӨӨР ГЭР БҮЛЭЭРЭЭ ҮНДЭСНИЙ ЦЭЦЭРЛЭГТ ХҮРЭЭЛЭНГ ЗОРИОРОЙ

Монголд анх удаа “Дэлхийн цэцэрлэгт хүрээлэнгийн өдөр-Хаврын баяр 2018”-ыг энэ ням гарагт Үндэсний цэцэрлэгт хүрээлэнд болно. Хаврын баярыг Монголын байгаль орчны иргэний зөвлөл ТББ-аас санаачилж,  МЗХ, СУИС, Сити Их Сургууль, , Гандантэгчэнлин хийд хамтран зохион байгуулж байгаа юм байна. Дэлхийн паркуудын 7 хоногийг жил бүр Ази Номхон далайн бүс нутаг, Америк, Европын улс орнуудад тэмдэглэн өнгөрүүлдэг бол 2018 онд 4-р сарын 28-аас 5-р сарын 6-ны хооронд дэлхийн улс орнуудад төрөл бүрийн арга хэмжээнүүд болж байна.

Дэлхийн цэцэрлэгт хүрээлэнгийн өдрөөр орон бүр өөрийн оронд зохион байгуулдаг арга хэмжээ, үйл ажиллагааны мэдээллийг www.worldurbanparks.org албан ёсны сайтад байршуулж олон нийтэд түгээн дэлгэрүүлдэг байна.  Энэхүү Дэлхийн цэцэрлэгт хүрээлэнгүүдийн өдрийг Монголд анх удаа тэмдэглэн өнгөрүүлэх гэж байгаа юм. Үзэсгэлэнгийн  зорилго нь иргэд олон нийтэд цэцэрлэгт хүрээлэн, ногоон байгууламжийн соёл, ач холбогдлыг илүү таниулах, цэцэрлэгт хүрээлэнгийн үйлчилгээг сайжруулахад сонирхогч талуудын анхаарлыг хандуулах, дэлхийн улс орнуудын сайн туршлагуудыг бусдад сурталчлах, “ногоон хариуцлага”-ын талаар ойлголт өгөх, эрүүл, цэвэр агаартай орчинд амралт, чөлөөт цагаа ая тухтай өнгөрөөх сонирхолтой иргэдийн тоог нэмэгдүүлэхэд чиглэнэ.

Уг арга хэмжээнд төрийн болон иргэний нийгмийн байгууллагуудын төлөөлөл, урлаг соёл, боловсролын салбарынхан уригдсан бөгөөд нээлтийг БОАЖ-ын сайд Н.Цэрэнбат хийх юм. Үндэсний цэцэрлэгт хүрээлэнд зохиогдох хаврын баярын өдөр олон нийтийг хамарсан төрөл бүрийн хөтөлбөр зохиогдох ба дэмжигч байгууллагуудын баярын жагсаал, “Ногоон экспо” үр бордоо, суулгацын худалдаа, зөвлөгөө өгөх, хүүхэд залуучуудын урлагийн тоглолт, соёлын болон мэдээлэл түгээх нөлөөллийн ажлууд зохиогдоно. Сонирхсон хүн бүхэн арга хэмжээг зорин очих боломжтой.

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.