2013 он 8-р сарын 17 Бямба,
Онгироо.МН
Эхлэл » Site News » ЗТХ-ийн сайд Ж.Бат-Эрдэнэд “Хүндэт профессор” цол олголоо

ЗТХ-ийн сайд Ж.Бат-Эрдэнэд “Хүндэт профессор” цол олголоо

Нийтлэлийн төрөл: Site News, Улс төрч

УИХ-ын гишүүн Зам тээврийн хөгжлийн сайд Ж.Бат-Эрдэнэд “төрлөх сургууль” болох   ИРНИТУ /Иркутский национальный исследовательский технический университет/ хуучнаар Эрхүүгийн Политехникийн Их сургуулийн эрдмийн зөвлөлийн шийдвэрээр "Хүндэт Профессор" цол олгосныг өчигдөр сургууль дээр нь гардууллаа.

Эрхүүгийн Үндэсний судалгааны Техникийн их сургуулийн захирал М.В.Корняков Ж.Бат-Эрдэнэ сайдад хүндэт профессор цолыг гардуулах үеэрээ “1938 онд байгуулагдсан 88 жилийн түүхтэй сургуулиас маань олон мянган мэргэжилтэн, эрдэмтэн, судлаачид улс орны удирдагчид төрж дэлхийн өнцөг булан бүрт амжилттай ажиллаж байгаад бид баяртай байдаг. Энэ мянга мянган төгсөгчдөөс маань энэ хугацаанд 14 хүндэт профессор төрсний  Монголын талаас хоёрдохпрофессорыг  Ж.Бат-Эрдэнэ  сайдад олгож байна. Сургуулийнхаа нэр хүндийг өндөрт өргөж, эзэмшсэн мэргэжлийнхээ дагуу Монгол улсдаа үнэлэгдэн Авто тээврийн газрын дарга, БХБЗТЯ-ны Төрийн нарийн бичгийн дарга, улмаар 2017 оны 10 сараас Зам тээврийн хөгжлийн сайдаар амжилттай ажиллаж байгаад сургуулийн удирдлагууд, эрдэмтэн багш нар нь талархаж эрдмийн зөвлөлөөр хэлэлцэн шийдвэрлээд энэхүү эрхэм хүндтэй цолыг олгож байгааг өнөөдөр гардуулж байгаа нь нэр төрийн хэрэг юм”  гэдгийг онцолсон юм.

Эрхүүгийн политехникийн их сургуулийн 1999 оны төгсөгч, ЗТХ-ийн сайд Ж.Бат-Эрдэнэд “Хүндэт профессор” цол гардуулах ёслолын ажиллагаанд Монгол улсаас Эрхүү хотноо суугаа консул Л.Амарсанаа, Зам тээврийн яамны дэд сайд асан 1998 оны шилдэг төгсөгч Х.Ержан болон сайдтай мөр зэрэгцэн суралцаж явсан 20 гаруй нөхөд нь монголоос хамтдаа зорьж очиж энэхүү баярт мөчийг хуваалцсан юм. Тэрээр энэ үеэр Иркутскийн хэвлэл мэдээллийнхэнд ярилцлага өгч, тус сургуулийн Монгол оюутнуудтай уулзан чөлөөт ярилцлага өрнүүлж, дурсгалын зураг татуулж, амьдарч байсан оюутны байраараа зочлон багшилж байсан эрдэмтэн багш нар, найз нөхөддөө хүндэтгэл үзүүллээ.

Энэ өдөр мөн Ж.Бат-Эрдэнэ сайд Эрхүү мужийн захирагч С.Г.Левченкотой уулзан ажил хэргийн яриа өрнүүлж, зам тээвэр болон худалдаа эдийн засгийн чиглэлээр хамтран ажиллах боломжийн талаар санал солилцсон юм.  Эрхүү мужийн захирагч С.Г.Левченко аялал жуулчлалыг хөгжүүлэх чиглэлээр зам тээврийн бүх салбарт хамтран ажиллахад таатай байх болноо гэдгээ илэрхийллээ. Тэрээр энэ үеэр Зам тээврийн хөгжлийн сайдад эрхэм хүндтэй цол хүртсэнд баяр хүргээд “Энэ шагнал бол хоёр орны харилцаа хамтын ажиллагаа, найрамдал нөхөрлөлийг шинэ шатанд гаргахад чухал алхам төдийгүй Монгол улсаас тус улсад, Эрхүү хотод суралцаж байгаа оюутан залууст урам өгсөн, бидний хамтын ажиллагааг улам өргөжүүлсэн чухал үйл явдал юм гэдгийг онцлон тэмдэглэсэн юм.

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.