2013 он 8-р сарын 17 Бямба,
Онгироо.МН
Эхлэл » Нийгэм » Үндэсний Статистикийн Хорооны дарга А.Ариунзаяа НҮБ-ын Статистикийн Комиссын 49-р чуулганд оролцлоо

Үндэсний Статистикийн Хорооны дарга А.Ариунзаяа НҮБ-ын Статистикийн Комиссын 49-р чуулганд оролцлоо

Нийтлэлийн төрөл: Нийгэм, Онцлох мэдээ

 

“Үндэсний Статистикийн Хорооны дарга А.Ариунзаяа Статистикийн олон улсын үйл ажиллагааны гарын авлагыг бусад улс орнуудад хэрэгжүүлэх зөвлөхөөр ажиллана”

Нэгдсэн Үндэстний Байгууллагын Статистикийн Комиссын гишүүн 140 гаруй улсын төлөөлөгчид, НҮБ-ын системийн байгууллагууд, олон улсын 40 гаруй байгууллага, бүсийн комиссын зургаан байгууллага, 10 орчим төрийн бус байгууллагын төлөөлөгчид оролцсон НҮБ-ын Статистикийн Комиссын 49-р чуулганд Монгол Улсын Үндэсний Статистикийн Хорооны дарга А.Ариунзаяа, Гадаад харилцаа, хамтын ажиллагааны хэлтсийн дарга З.Хүслэн оролцлоо.

Чуулган 03-р сарын 02-ноос 03-р сарын 09-н хүртэл АНУ-ын Нью-Йорк хотод үргэлжилсэн бөгөөд мөн үеэр Үндэсний Статистикийн Хорооны дарга А.Ариунзаяа, Гадаад харилцаа, хамтын ажиллагааны хэлтсийн дарга З.Хүслэн нар салбар хуралдаан болон бусад арга хэмжээнд оролцож, өөрийн орны санал, байр суурийг илэрхийлж, холбогдох шийдвэрт тусгуулах, НҮБ-ын Статистикийн Хэлтэс болон бусад хамтын ажиллагаатай байгууллагуудын удирдлагатай уулзалт зохион байгуулж, хамтын ажиллагааг идэвхжүүлэх, Байгалийн нөөцөд суурилсан эдийн засгийн статистикийн Улаанбаатар хотын бүлгийн гаргасан гарын авлагыг НҮБСК-т танилцуулсан юм.

Чуулганаар нийт үндсэн 32 асуудал хэлэлцэж, салбар хуралдаануудыг нээлттэй болон хаалттай хэлбэрээр явуулсан бөгөөд Үндэсний Статистикийн Хорооны дарга А.Ариунзаяа “Мэдээлэл, статистикийн харилцаа: хүлээн зөвшөөрөгдсөн мэдээллийг хэрэглэгчид, хэвлэл мэдээлэл, бодлого боловсруулалтад тусгах нь” сэдвийн хүрээнд салбар хуралдааны даргаар оролцсон. Мөн чуулганд идэвхтэй оролцсоныг үнэлж Статистикийн олон улсын үйл ажиллагааны гарын авлагыг бусад улс орнуудад хэрэгжүүлэх зөвлөхөөр ажиллах, НҮБ-ын статистикийн хорооны дэд комиссын гишүүнээр ажиллах,  НҮБ-ын зөвлөх группийн ТХЗ-ын мониторингийн хүрээнд хийгдэх ажлын хэсэгт орж ажиллахаар боллоо. Үүнээс гадна Монгол-Австралийн хамтран санаачилсан "Байгалийн нөөцөд суурилсан эдийн засгийн статистикийн Улаанбаатар хотын бүлгийн" боловсруулсан гарын авлагыг НҮБСК-ын 49 дугаар чуулганаар эцэслэн батлууллаа.

Хоёр талт хамтын ажиллагааны хүрээнд Үндэсний Статистикийн Хорооны дарга А.Ариунзаяа НҮБ-ын Статистикийн Хэлтсийн дарга С.Швайнфесттэй уулзаж хоёр байгууллагын хамтын ажиллагаа, “Тогтвортой хөгжил 2030” хөтөлбөрийн хүрээнд үндэсний статистикийн байгууллагын үүрэг, өөрсдийн Засгийн газраар дамжуулж ТХЗ-ыг дүгнэх ажилд хамтран ажиллахыг уриалсан. Монгол Улсын ҮСХ-ны үйл ажиллагаа улам сайжирч байгааг тэмдэглээд, цаашид ч олон улсын тавцанд эрч хүчтэй байр суурийг эзэлж үргэлжлүүлэн ажиллахад дэмжлэг үзүүлэхийг илэрхийлэв. Уулзалтын үеэр НҮБ-ын Статистикийн Хэлтсийн дарга С.Швайнфест Монгол Улсын Үндэсний статистикийн хорооны манлайллыг магтаж, талархаж буйгаа илэрхийлжээ. Мөн ХБНГУ-ын Статистикийн газрын удирдлагууд, Финландын Статистикийн газрын дарга Марио Брүүн, Азийн хөгжлийн банкны ахлах статистикч Каушал Жоши, Филиппиний статистикийн газрын дарга Лиза зэрэг чуулганд оролцсон улс орны төлөөллүүдтэй уулзаж статистикийн салбарт хамтран ажиллах, харилцаагаа улам өргөжүүлэх талаар ярилцлаа.

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.