2013 он 8-р сарын 17 Бямба,
Онгироо.МН
Эхлэл » Нийслэл » “Монголын түүхийн олимпиад”-д 380 гаруй сурагч оролцож байна

“Монголын түүхийн олимпиад”-д 380 гаруй сурагч оролцож байна

Нийтлэлийн төрөл: Нийслэл, Онцлох мэдээ

Их жанжин Д.Сүхбаатарын мэндэлсний 125 жилийн ойн хүрээнд “Эх орончдын өдөр”-ийг тохиолдуулан  “Thanks man” ТББ болон МУБИС хамтран зохион байгуулж буй “Монголын түүх”-ийн II олимпиадын нэгдүгээр шат өнөөдөр Тусгаар тогтнолын ордноо эхэллээ.

Олимпиадын нэгдүгээр шатанд Нийслэлийн Ерөнхий Боловсролын 96 сургуулийн 11-12 дугаар  ангийн 380 орчим сурагч оролцож байна.

Монгол Ардын Намын Ерөнхий нарийн бичгийн дарга Д.Амарбаясгалан Д.Сүхбаатарын нэрэмжит түүхийн олимпиадад оролцож буй нийт сурагчдад амжилт хүсч үг хэллээ. Тэрбээр “Тусгаар тогтносон Монгол Улсыг бий болгох их үйлсийг түүчээлэн манлайлсан Дамдины Сүхбаатарын үйл хэргийг бид мартах учиргүй юм. Д.Сүхбаатарын нэрэмжит болгон зохион байгуулж буй энэхүү түүхийн олимпиадыг цаашид зөвхөн нийслэл биш улсын хэмжээнд сум, аймаг гэсэн шат дараатайгаар уламжлал болгон зохион байгуулахаар төлөвлөж байна” хэмээсэн юм.

Эх орныхоо хариуцлагатай иргэн хүнийг төлөвшүүлэх, эх орноо хайрлах, эх түүх, эх орноороо бахархдаг оюунлаг залуу халааг бэлтгэж, ирээдүйн иргэн хүн болж төлөвшихөд хувь нэмэр оруулах үүднээс энэхүү түүхийн олимпиадыг зохион байгуулж байгаа юм байна.

Олимпиад тест бөглөх, эссэ бичих гэсэн хоёр үе шаттай явагдах юм. Хоёрдугаар шатанд эх орон, тусгаар тогтнолын тухай 14 сэдвээс сонгон тухайн түүхэн үйл явдлын талаарх өөрийн мэдлэгийн хүрээнд эссэ бичиж өрсөлдөх ба  оролцогчдыг 1 ба 2-р шатны ерөнхий дүнгээр шалгаруулна.  Хоёрдугаар шат маргааш буюу 27-ны өдөр Тусгаар тогтнолын ордноо үргэлжилнэ.

 

  

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.