2013 он 8-р сарын 17 Бямба,
Онгироо.МН
Эхлэл » Нийгэм » Эрүүл мэндийн хөгжлийн төвийн даргаар санхүүч хүнийг томилжээ

Эрүүл мэндийн хөгжлийн төвийн даргаар санхүүч хүнийг томилжээ

Нийтлэлийн төрөл: Нийгэм, Twitter

Шинэ оны өмнөхөн “Дархан аварга Г.Өсөхбаярын эхнэрийг авлигын хэргээр баривчиллаа” гэх мэдээлэл нэр бүхий сайтуудад гарсан. Үүнийг  учир мэдэх хүмүүс “Аваргын эхнэрийн албан тушаалыг авахын тулд зохион байгуулалттайгаар ийм худал мэдээллийг захиалгатайгаар олон нийтэд хүргэж байна” гэх тайлбарыг олон нийтийн сүлжээнд хийсэн нь бий.

Тэгвэл үүний баталгаа бол эрүүл мэндийн салбарын хөгжил чухал үүрэгтэй Эрүүл мэндийн хөгжлийн төвийн захирлаар “Мэргэжлийн санхүүч” хүнийг томилжээ. Тодруулбал, сэтгүүл зүйн салбараас эрүүл мэндийн салбар хариуцсан сайдаар томилогдсон хоёр дахь хүн болох УИХ-ын гишүүн Д.Сарангэрэл УИХ-ын чуулганы танхимд нэгэнтээ “Б.Нарантуяатай холбоотой гомдол нэг бус удаа ирсэн. Энэ хүнийг үүрэгт ажлаас нь чөлөөлнө” гэж мэдэгдсэн.

Харин парламент дахь хэлэмгий доломгой гишүүдийн нэг Ж.Мөнхбат “Бөх билэгт” дэвжээний тэргүүний хувьд Г.Өсөхбаярын эхнэрийг өмөөрч буйгаа ил тод илэрхийлж байсан. Гэвч сайд Д.Сарангэрэл хэлсэндээ хүрч аваргын эхнэрийг ажлаас нь чөлөөлж, АШУҮИС-ийн санхүү, эдийн засаг хариуцсан тэргүүн дэд захирал Э.Содномжамцыг томилсон аж.

Эх сурвалжуудын мэдээлснээр, Э.Содномжамц нь анагаах ухааны салбарын мэргэжлийн хүн биш ХААИС-ийг төгссөн эдийн засагч, нягтлан. Тэрбээр өнгөрсөн оны “Шилдэг санхүүч” шалгарч байсан нэгэн аж. ЭМХТ-ийнхөн салбарын хөгжлийг мэдэхгүй мэргэжлийн бус хүн ирсэнд сэтгэл дундуур байгаа гэнэ.

Гэвч тэрбээр МАН-ын нөлөө бүхий эрхмүүдтэй ойр дотно нэгэн бололтой. Тэр дундаа ЗГХЭГ-ын дарга, УИХ-ын гишүүн Г.Занданшатар, Монгол Улсын ерөнхий аудитор Д.Хүрэлбаатар нартай найз юм байна. Мөн 2016 онд тэрбээр УИХ-д нэр дэвшиж байсан М.Билэгтийн сонгуулийн менежерээр ажиллаж байжээ.  

Салбарын хөгжилтэй холбоотой байгууллагын удирдлагыг мэргэжлийн бу хүнээр сонгосон уг томилгооноос гадна ЭМЯ-ны газрын дарга нарыг өөрчилж тэрүүхэндээ дажин дэгдэж байгаа гэнэ. Ажлаасаа чөлөөлөгдсөн зарим нь эхнээсээ шүүхэд хандаад байгаа аж.

Л.Орхон

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.