2013 он 8-р сарын 17 Бямба,
Онгироо.МН
Эхлэл » Онцлох мэдээ » Ж.Энхбаяр: Н.Батбаяр сайдыг огцорход хөрөнгө оруулалт нэмэгдэж магадгүй

Ж.Энхбаяр: Н.Батбаяр сайдыг огцорход хөрөнгө оруулалт нэмэгдэж магадгүй

Нийтлэлийн төрөл: Онцлох мэдээ, Улс төрч
Эдийн засаг, Байгаль орчин, хүнс хөдөө аж ахуйн байнгын хорооны хамтарсан хуралдааны дараа Эдийн засгийн байнгын хороо дангаараа хуралдаж, Хөрөнгө оруулалтын тухай хуулийн төслийг хэлэлцлээ. Энэ үеэр гишүүд юу ярьсныг хүргэж байна.

 

УИХ-ын гишүүн Ж.Энхбаяр: Ер нь бид яах гэж ээлжит бус чуулган зарлан хуралдуулж байгаа юм. Батбаяр сайд Монгол Улс сайн сайхан эдийн засагтай байна гэж ярилаа. Тэгвэл яах гэж биднийг цуглуулж, ээлжит бус чуулган хийж байгаа юм. Түрүүнд Урт нэртэй хуулийг хэлэлцэж байхад “Монгол Улс алтаа ухахгүй бол өнгөрлөө” гэж баахан хашгирсан. Та наад хандлагаа өөрчлөөч ээ.

 

Төсөв эдийн засаг хүндэрч байна. Монголын нийгэм, эдийн засгийн асуудлаар УИХ-аас гаргасан ажлын хэсэг судалгаа хийгээд түүнийгээ УИХ-д танилцуулахад бэлэн болчихоод байхад яагаад сонсохгүй байгаа юм. Одоо үүнийг л ярих цаг шүү дээ. Монголын нийгэм, эдийн засгийн асуудал ямар болчихсон талаар эхлээд Засгийн газраас мэдээлэл сонсмоор байна.

 

Тэгээд оношоо тогтоож байж дараа нь ямар арга хэмжээ авах уу, аль хуулийг өөрчлөх үү гэдгээ ярих ёстой юм биш үү. Гэтэл учиргүй хэдэн хууль өөрчилнө, шинэчилнэ гэж оруулж ирчихээд Монгол Улсыг сайхан байна гээд байх юм. Сайхан байгаа юм бол энэ хуулиудад өөрчлөлт оруулж яах гээд байгаа юм. Алтаа ухах шаардлага байгаа юм уу.

 

Шууд хэлэхэд Н.Батбаяр сайд таныг огцорлоо гэж мэдэгдэхэд Монголын хөрөнгө оруулалт 20 хувиар нэмэгдэж магадгүй шүү. Та өмнөх дөрвөн жилд гадаадын хөрөнгө оруулалт манайд хэрэггүй гэж хамгийн их хашгирсан хүн. Гэтэл одоо хөрөнгө оруулалт шиг хэрэгтэй юм алга гээд яриад сууж байгаа чинь үнэн биз дээ.

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.