2013 он 8-р сарын 17 Бямба,
Онгироо.МН
Эхлэл » Засгийн газар » Ерөнхийлөгчийн хоригийг хүлээж авахгүй

Ерөнхийлөгчийн хоригийг хүлээж авахгүй

Нийтлэлийн төрөл: Засгийн газар

Монгол Улсын Ерөнхийлөгч Х.Баттулга 2017 оны Улсын төсвийн тодотголд бүхэлд нь хориг тавьсан.

  1. Хүүхдийн мөнгийг бүх хүүхдүүдэд олгох
  2. Төрийн албан хаагчдад 300 мянган төгрөгийн урамшуулал олгохгүй байх
  3. 2017 оны төсвийн хөрөнгө оруулалтыг 94.5 тэрбум төгрөгөөр бууруулахгүй байх

Зэрэг шалтгааныг үндэслэн Ерөнхийлөгчийн 2017 оны төсвийн тодотголд хориг тавьснаас хуулийн үйлчлэл зогссон. УИХ Ерөнхийлөгчийн хоригийг 14 хоногийн дотор хэлэлцэх хуультай юм. Тэгвэл өнөөдөр УИХ дахь МАН бүлэг Ерөнхийлөгчийн хоригийн асуудлаар хуралдсан байна. Хуралдаанд МАН-ын гишүүд 70% ирцтэй оролцож Ерөнхийлөгчийн хоригийг хүлээж авахгүй байх дээр 100% санал нэгджээ.

УИХ дахь МАН-ын бүлгийн дарга Д.Хаянхярваа Ерөнхийлөгчийн хоригийг хүлээн авах боломжгүй гэж үзсэн шалтгааныг тайлбарласан. Тэрээр Хүүхдийн мөнгийг бүх хүүхдэд  олгох эдийн засгийн боломж байхгүй. Гэхдээ ОУВС-тай хэлэлцээр хийж байна. Одоогоор хүүхдийн мөнгийг нийт хүүхдийн 60 хувьд олгож байгаа. Энэ хувь хэмжээг 80 хувьд хүргэхээр ОУВС-ынхантай ярилцаж байна гэсэн юм.

Мөн ОУВС-ийн дэмжлэгийг авч "Өргөтгөсөн санхүүжилтийн хөтөлбөр"-ийг хэрэгжүүлэхдээ цалин нэмэхгүй байх шаардлагыг хүлээн зөвшөөрсөн учир Төрийн албан хаагчдад 300 мянган төгрөг олгохоор болсон гэсэн тайлбарыг өглөө.

Мөн 2017 оны төсөвт тодотгол хийж хөрөнгө оруулалтын зардлыг 94.5 тэрбум төгрөгөөр бууруулсан гэлээ.

Ерөнхийлөгч Х.Баттулга 2017 оны төсвийн тодотголд бүхэлд нь хориг тавьснаас хүүхдийн мөнгийг санхүүжүүлэх боломжгүй болсон. Мөн төрийн мөнгөөр хийгдэж буй зарим ажлын хөрөнгө оруулалт саатаад байна гэсэн юм.

Г.Дугар

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.