2013 он 8-р сарын 17 Бямба,
Онгироо.МН
Эхлэл » Нийгэм » М.Энхболд байгаагүй бол У.Хүрэлсүх, Ж.Мөнхбат хоёр зодолдож мэдэхээр байлаа

М.Энхболд байгаагүй бол У.Хүрэлсүх, Ж.Мөнхбат хоёр зодолдож мэдэхээр байлаа

Нийтлэлийн төрөл: Нийгэм, Онцлох мэдээ
М.Энхболд байгаагүй бол У.Хүрэлсүх, Ж.Мөнхбат хоёр зодолдож мэдэхээр байлаа

 

УИХ-ын өчигдрийн чуулганыг олон нийт ойрдоо мартахааргүй “сонирхолтой” болох шиг боллоо. Хэдэн цаг хэрэлдэцгээлээ. Бүр зодолдох дээрээ тулав.
 
ЗГХЭГ-ын дарга асан Ж.Мөнхбат үг хэлээд дуусах үедээ “…Ер нь У.Хүрэлсүхийн Засгийн газрын эмзэг цэг нь Сангийн сайд нь болчихлоо” гэв. Энэ үед нь Ерөнхий сайд У.Хүрэлсүх “…Чи муу хулгайч юу гээд байна аа” гээд эхэлсэн байна. Нөгөөх нь дуугүй суусангүй. “…Чи төрөөс мөнгө хулгайлаагүй юу” гэчихсэн байгаа юм. Ингээд хэрүүл даамжирч, Ерөнхий сайд У.Хүрэлсүх “…Ж.Мөнхбат аа, чиний авлига авч томилсон бүх хүнийг хална” гэж хашгирсан Сүүлдээ бие биеэ “…хулгайч, луйварчин, казиночин” гээд хэлэх хэлэхгүй үгээр л харааж загнав. Ж.Мөнхбатын дараа үг хэлэх байсан Лу.Болд тэдний хэрүүлийг дуусахыг хэдэн минутын турш хүлээсэн юм.
 
Шуудхан хэлэхэд, Ерөнхий сайд У.Хүрэлсүх, ЗГХЭГ-ын дарга асан Ж.Мөнхбат хоёр зодолдоход бэлэн болсон. Хэн хэн нь “тулаан”-аас буцахгүй омогтой гэдгийг хүмүүс гадарлах байх.
 
Харин УИХ-ын дарга М.Энхболдын үг тэднийг зөөллөж, хэрүүлийг зогсоосон гэхэд болно. УИХ-ын дарга М.Энхболд бол МАН-ын дарга. Тэр утгаараа зандарсаар дуугүй болгож байгаа хэрэг л дээ. Тэрээр “…Дараагийн гишүүн чинь үгээ хэлэх гэж байна. УИХ-ын танхимд ингэж болохгүй” гэж байв.
 
Ер нь бол эндээс олон зүйл ойлгогдож байна гэдгийг учир мэдэх хүмүүс чуулган тараагүй байхад л яриад эхэлнэ лээ.
 
Юу гэвэл МАН-д эв нэгдэл туйлаас чухал болсон байна. Тэр эв нэгдлийг нь хэн хангуулж, авч явж чадах вэ гэдгийг энэ намынхан сайтар бодох хэрэгтэйг сануулах хүн олон байна лээ.
 
Үүнээс гадна М.Энхболдын дараа МАН-ын даргын албан тушаалыг авахаар яригдаж байгаа хүн УИХ-ын чуулганы танхимд, төрийн өндөр сэнтий дээрээс ингэж хэрэлдэж суугааг олон нийт таашаахгүй байна.
 
Уг нь гаднын улс орны парламентын гишүүд хурал дээрээ зодолдож, ноцолдож байгаа харагддаг л даа. Гэхдээ Монголын төрт ёсны уламжлалд тийм зүйл үгүй юм.
 
Тиймээс төрийн өндөр дээд албан тушаал хашихад УИХ-ын М.Энхболдын хэрийн зангараг, тулаа хэрэгтэйг өчигдөр бид харлаа.
 
Б.Баяр
Эх сурвалж: “Зууны мэдээ” сонин
АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.