2013 он 8-р сарын 17 Бямба,
Онгироо.МН
Эхлэл » Нийгэм » Жүжигчин Кэвин Спэйси ижил хүйстэн гэдгээ зарлалаа

Жүжигчин Кэвин Спэйси ижил хүйстэн гэдгээ зарлалаа

Нийтлэлийн төрөл: Нийгэм, Twitter

Жүжигчин Кэвин Спэйси ижил хүйстэн гэдгээ зарлалааОлон жил өөрийнхөө бэлгийн чиг хандлагыг нууж явсны эцэст Холливүүдийн жүжигчин, Оскарын шагналт Кэвин Спэйси өчигдөр буюу Ням гарагт ижил хүйстэн гэдгээ зарлалаа.

 

“The Usual Suspects”, “American Beauty” кинонуудаараа Оскарын шагнал хүртэж байсан 58 настай жүжигчин энэ тухай твиттер хуудсандаа зарласан юм.

Гэхдээ тэр шууд ийм мэдэгдэл гаргасангүй, эхлээд мэргэжил нэгт жүжигчин Антони Рэпп түүнийг өөрт нь бэлгийн дарамт үзүүлж байсан тухай түүхийг сөхсний дараа ийнхүү зарлажээ.

Рэппийг 1986 онд 14 настай байхад нь тухайн үед 26 настай байсан Спэйси оролдож байсан нэгэн явдлын тухай Рэпп эхлээд дэлгэсэн байна.

Дараа нь Спэйси хариу мэдэгдэл гаргахдаа 30 орчим жилийн өмнө болсон тэр явдлыг санахгүй байгаагаа хэлсэн бөгөөд хэрвээ ийм зүйл тохиолдсон бол согтуугийн балгаас болсон байх гээд Рэппээс уучлал гуйсан юм.

Ингээд зогссонгүй Спэйси мэдэгдэлдээ үргэлжлүүлэн өөрийн бэлгийн чиг хандлагын тухай зарлажээ.

Спэйси “энэ дашрамд би өөрийн амьдралын тухай бас нэг зүйлийг дэлгэхээр зориг шулуудлаа” гээд “Миний ойрын хүмүүсийн мэдэж байсанчлан би амьдралдаа эрэгтэй, эмэгтэй хүмүүстэй дотно харилцаатай явсаар ирсэн хүн. Амьдралынхаа туршид би эрэгтэй хүнтэй романтик харилцаатай байж ирсэн, харин одоо ижил хүйстэн гэдгээ ил зарлаж амьдрахаар шийдлээ” гэсэн байна.

Нэтфликс компанийн “House of Cards” улс төрийн сэдэвтэй цувралын гол дүрд тоглож байсан Спэйси нь Лондоны “Old Vic Theatre” компанийн уран сайхны захирлаар 10 жил ажиллаж байсан, жүжигчин, найруулагч, продюсер, дуучин, зохиолч зэрэг олон талын авьяастай хүн юм.

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.