2013 он 8-р сарын 17 Бямба,
Онгироо.МН
Эхлэл » Нийгэм » Ж.Мөнхбат Авлигатай тэмцэх газар, Тагнуулын ерөнхий газарт ханджээ

Ж.Мөнхбат Авлигатай тэмцэх газар, Тагнуулын ерөнхий газарт ханджээ

Нийтлэлийн төрөл: Нийгэм, Онцлох мэдээ

Ж.Мөнхбат Авлигатай тэмцэх газар, Тагнуулын ерөнхий газарт ханджээЗасгийн газрын хэрэг эрхлэх газрын даргын үүрэг гүйцэтгэгч Ж.Мөнхбат Засгийн газрын ордонд мэдээлэл хийлээ.Тэрээр, "Намайг өөрийн эхнэрийн хамаатан хувь эзэмшдэг Засаг чандмань майнз компанид концессийн гэрээний тендэрт нөлөөлж, хууль бусаар өгсөн гэдэг гүжир мэдээллийг зохион байгуулалттайгаар тарааж байна. Ялангуяа Ж.Эрдэнэбат сайдыг огцрох үед энэ талаар нэлээд их ярилаа.

Миний бие төрийн сайдаар ажиллах хугацаандаа амин хувийн ашиг сонирхлоо дээдлээгүй, албан тушаалаа урвуулан ашиглаагүй, хууль зөрчөөгүй гэдгээ албан ёсоор мэдэгдэж байна.

Миний нэр холбогдоод байгаа Дорноговь аймгийн Сайншанд, Дэлгэр сумдыг холбосон 130 км замыг барих концессын гэрээний тендерт 8 компани оролцон судалсан юм билээ. 60 хоногийн дараа тендэрийн шалгаруулалтыг хаахад ганцхан компани буюу “Засаг Чандмань майнз” гэдэг компани саналаа ирүүлсэн юм билээ. Ингээд саналаа ирүүлсэн цорын ганц компани болох Үндэсний хөрөнгө оруулалтын газар концессын гэрээ хийсэн.

“Засаг чандмань майнз” компанид би болон манай гэр бүл ямар ч хамаагүй, нэг ч хувьцаа эзэмшдэггүй, энэ компанид оролцдоггүй гэдгийг албан ёсоор хэлье. Тус компанийн олон хувьцаа эзэмшигчийн нэг нь манай эхнэрийн хамаатан байсны төлөө хуулийн дагуу явагдаж байсан концессын сонгон шалгаруулалтын тендэрийг хууль бусаар авсан гэсэн гүтгэлэг, улстөржсөн дайралтыг хүлээн зөвшөөрөхгүй.

Хамаатан нь тус компанид хувь эзэшмдэг гээд эхнэрээсээ салах юм уу, эсвэл улсын төсөвт олон тэрбум төгрөгний татвар төлж, олон хүнийг ажлын байраар хангаж байгаа үндэсний компанийн үйл ажиллагааг зогсоох эрх надад байхгүй. Энэ сонгон шалгаруулалт хуулийн дагуу явагдсан эсэхийг, миний бие энд оролцсон эсэхийг зохих хуулийн дагуу шалган тогтоож өгнө үү, хариуцлага хүлээхэд бэлэн байна гэдгээ мэдэгдье.

Засгийн газрын шинэ танхим бүрдэх гэж байна. Энэ үед намайг сайд хийх гэж байна гэж хэлж болох байх. Ж.Эрдэнэбатын Засгийн газарт ажиллаж байсан 8 хүн албан ёсоор сайд болохгүй гэдгийгээ хэлсэн. Би сайд болохгүй гэдгээ хэлж байна" гэлээ.

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.