2013 он 8-р сарын 17 Бямба,
Онгироо.МН
Эхлэл » Онцлох мэдээ » Ойн салбарт мэргэшсэн мэргэжилтнүүдийг бэлтгэнэ

Ойн салбарт мэргэшсэн мэргэжилтнүүдийг бэлтгэнэ

Нийтлэлийн төрөл: Онцлох мэдээ, Байгаль орчин

 

        БОАЖЯ-ны Төрийн захиргааны удирдлагын газрын дарга Х.Батжаргал, “Ногоон Ази сүлжээ” Олон улсын ТББ-ын төслийн багийн захирал Шин Ги Ху нар хамтарч ажиллах гэрээнд гарын үсэг зурлаа. Энэхүү гэрээний дагуу ойн аж ахуйн сургалтын төв байгуулан, мод тарих чиглэлээр хамтарч ажиллах юм.

 

БОАЖЯ-ны Төрийн захиргааны удирдлагын газрын дарга Х.Батжаргал үйл явдлыг нээн хэлсэн үгэндээ “Монгол орны нийт газар нутгийн ердөө 8 хувийг ой мод эзэлдэг. Гэтэл уур амьсгалын өөрчлөлт, байгаль экологийн доройтол ялангуяа хүний буруутай үйл ажиллагааны улмаас ойн нөөц жилээс жилд багасаж байна. Улсын хэмжээнд 1600 гаруй ойн нөхөрлөл үйл ажиллагаа явуулдгаас 10 хүрэхгүй хувь нь мэргэжлийн хүмүүс байдаг. Тиймээс ойн салбарт ажиллах мэргэжлийн ур чадвартай ажилчдыг бэлтгэх нэн шаардлагатай байгаа юм. Монгол орны шар шороон шуургатай тэмцэх ажилд үнэтэй хувь нэмэр оруулж ирсэн “Ногоон Ази” олон улсын ТББ-ын хамт олонд талархал илэрхийлье” хэмээлээ.

 

Уг төслийг хэрэгжүүлснээр Монгол орны ойн салбарт мэргэжилтэн бэлтгэх, улмаар Монгол оны уур амьсгалын өөрчлөлт, цөлжилттэй тэмцэх, орон нутгийн тогтвортой хөгжлийг дэмжихэд ихээхэн хувь нэмэр оруулна хэмээн талууд үзэж байгаа юм. Төслийн хүрээнд энэ жил 80 мянган мод тарихаар болжээ.

 

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.