2013 он 8-р сарын 17 Бямба,
Онгироо.МН
Эхлэл » Онцлох мэдээ » “Жаст”-ын 109 сая ам.долларын өрийг Ш.Батхүү төлөх үү, ТӨР төлөх үү?

“Жаст”-ын 109 сая ам.долларын өрийг Ш.Батхүү төлөх үү, ТӨР төлөх үү?

Нийтлэлийн төрөл: Онцлох мэдээ

 

Саяхан даа, хуульч Т.Алтангэрэл Жаст-ын зээлэнд ГОК баталгаа гаргаж гарын үсэг зурсныг хуурамч гэж Монгол шинжээч тогтоосон бол олон улсын шинжээчид гарын үсэг нь МӨН гэж тогтоосон тухай жиргэсэн нь анхаарал татаж байв. Тэгвэл мөнөөх Жаст-ын өр төлбөр гэж яригддаг 109 сая ам.долларын хэмжээ 51 сая ам.доллар болж багассан талаар мэдээлэл дуулдаж байна.  Гэхдээ энэ нь албан бус эх сурвалжийн мэдээлэл. Гол нь энэ өр төлбөрийг Жаст-ын Ш.Батхүүгээс бус Монгол Улсын Засгийн газраас нэхэмжилж буй юм. Хэдийгээр манай талаас шүүхийн шийдвэрийг хүлээн зөвшөөрөхгүй хэмээн давж заалдах шатны шүүхэд хандаж гомдол гаргасан ч, баталгаа гаргаж өгсөн ГОК-ийн талын гарын үсэг хуурамч биш гэдгийг гадны шинжээчид тогтоогоод байхад бид яалтай билээ дээ.

Ямар ч байсан энэ өрийг  Ш.Батхүүгээр төлүүлэх ёстой гэсэн шийдэл засгаас гарсан гэх мэдээлэл бий.  Төрийн өмчийн Бодлого, зохицуулалтын газрын дарга Ц.Ням-Осор “Энэ яригдаад байгаа өрийг Ш.Батхүү төлөх ёстой” хэмээсэн нь хэвлэлүүдээр гарч байна.  Ш.Батхүү “Эрдэнэт” үйлдвэрийн зэсийн баяжмалыг барьцаалан “Стандарт” банкнаас зээл гаргуулсан, түүнийгээ өөрийн эзэмшлийн “Хадгаламж” банкаар дамжуулан авснаа хүлээн зөвшөөрч, хуулийн байгууллагаас ч үүнийг нь шалгаж тогтоон, түүнд зохих шийтгэлийг хүлээлгэсэн харагддаг ч, 109 сая ам.долларын өр төлөгдөөгүй хэвээр байгаа юм.

 Уг зээлийн асуудлаар “Стандарт” банк Олон улсын Арбитрын шүүхэд хандсанаар “Эрдэнэт” үйлдвэр хариуцагчаар татагдаж маргаан өдийг хүрч буй.  Энэ маргааны иш үндэс нь Ч.Ганзориг нар гэдэгтэй маргах хэрэггүй болов уу. С.Баярын нөмөр нөөлгөөр улстөрд хөл тавьж, “Эрдэнэт” үйлдвэрийн ерөнхий захирлаар очихдоо Н.Энхбаярын дэмжлэгийг аван угшил нь булингартаж үзсэн Ч.Ганзориг АН-ын үед ч хөл алдахгүйг чамгүй хичээсэн. Ямартаа л  “Эрдэнэт” үйлдвэрийн даргаар 2012 онд улиран сонгогдсон ч, эрүүл мэндийн шалтгаанаар, өөрийн хүсэлтээр ажлаасаа чөлөөлөгдөх хүсэлт гаргасан байдаг. Гэвч тэрбээр Эрдэнэт үйлдвэрийн удирдлага байхдаа томоохон асуудлууд өдөөсний нэг нь Жаст-ын 109 тэрбумын өртэй холбоотой асуудал юм. Одоо тэгээд 109 тэрбумын өрийг Ш.Батхүү төлөх үү, Төр төлөх үү гэдэг нь тодорхойгүй байна.

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой. tsag.mn