2013 он 8-р сарын 17 Бямба,
Онгироо.МН
Эхлэл » Шуугианы эзэн » С.Зоригийг хөнөөх захиалга өгсөн этгээдүүдийг шалгаж дуусаагүй байна гэв

С.Зоригийг хөнөөх захиалга өгсөн этгээдүүдийг шалгаж дуусаагүй байна гэв

Нийтлэлийн төрөл: Шуугианы эзэн

Төр нийгмийн зүтгэлтэн С.Зоригийн амь насыг хөнөөсөн хэрэгт Т.Чимгээ, Т.Содномдаржаа, Ц.Амгаланбаатар нарыг буруутгаж анхан шатны шүүхээс 24-25 жилийн хорих ял оноосон билээ. Тэгвэл давж заалдах шатны шүүхээс дээрх ялыг хэвээр үлдээсэн юм. Олон нийтийн анхаарал дунд байгаа энэ хэргийн талаар хууль хүчнийхэн болон холбогдох газрууд янз бүрийн тайлбар өгсөөр байна. Өнгөрсөн долоо хоногт гэхэд энэ хэрэгтэй холбоотой улсын нууцад хамааруулсан зарим баримтыг нууцын зэрэглэлээс гаргаж, олон нийтэд ил болгосон аргагүй анхаарал татав.

Тодруубал, Монгол Улсын Ерөнхийлөгч Ц.Элбэгдорж Тагнуулын ерөнхий газрын дарга Б.Хурцад "Төрийн нууцын хуулийн 21 дүгээр зүйлйн 4-т заасныг үндэслэн С.Зоригийн амь насыг хөнөөсөн Т.Чимээ, Б.Содномдаржаа, Ц.Амгаланбаатар нарт холбогдох хэрэгт авагдсан баримт бичигт агуулагдаж буй төрийн нууцыг хуульд заасан хүрээнд ил болгохыг зөвшөөрчээ.

Нийслэлийн прокурорын газрын хяналтын прокурор Б.Батжаргал "Ц.Амгаланбаатарын мэдүүлэгт "Хэрэг гардаг өдөр, аллага үйлдэхээс өмнө бид 4 С.Зоригийн гэрт очсон. Тэгэхэд хоол хийсэн байдалтай байсан. Тэр хоолноос бид 4 идсэн. Одоо санаж байгаагаар мах чанасан байсан. Тэгээд Т.Чимэгээ, Б.Содномдаржаа бид 3 Б.Булгантай тамхилсан. Бид нар тамхиныхаа үнсийг будаатай аяганд хийсэн" гэж мэдүүлжээ.

Гэвч үнэнийг мэдэхийг хүссэн ард түмэн хэргийг үйлдсэн этгээдүүд яллуулсан нь үнэн бол одоо энэ хэргийн захиалагчийг хэзээ ард түмэнд зарлах вэ гэсэн асуулт хүлээлт байсаар байгаа юм. Хэрэгтнүүд ч хийсэн хэргээ хүлээсэн, үнэнийг мэдүүлсэн юм байх.

Тэгвэл одоо захиалагчийг нь олон нийтэд шударгаар зарлах хэрэгтэй. Улстөрийн зохиомол жүжиг биш л юм бол олон нийтэд зарлачих хэрэгтэй ч гэж шаардаж буй. Ганц амьд гэрч Б.Булган хэргийн захиалагч, гэмт хэрэгтнүүдтэй холбоотой байсан уу гэсэн асуултад прокурор Б.Батжаргал “Захиалагчийг шалгах хэргийн мөрдөн байцаалт дуусаагүй учраас тодорхой мэдээлэл өгөх боломжгүй” гэж хариулжээ.

Ямартаа ч энэ хэргийг захиалсан гэх этгээдийг шалгаж байгаа юм байна гэсэн ойлголтыг олон нийтэд прокурор нь өгчихсөн байгаа юм. Тэгэхээр зарлах өдрийг нь хүлээх л үлджээ дээ.

О.Сайхан Zaluu.com

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.